തിരുവനന്തപുരം കുടപ്പനക്കുന്ന് മൃഗസംരക്ഷണ പരിശീലന കേന്ദ്രത്തിലും ചെങ്ങന്നൂർ സെൻട്രൽ ഹാച്ചറിയിലും 2021 ൽ ആരംഭിക്കുന്ന ചിക്ക് സെക്‌സിംഗ് ആന്റ് ഹാച്ചറി മാനേജ്‌മെന്റ് കോഴ്‌സ് പരിശീലനത്തിന് അപേക്ഷ ക്ഷണിച്ചു. ജനുവരി ഒന്നിന് 25 വയസ് കവിയാത്ത എസ്.എസ്.എൽ.സി/തത്തുല്യ യോഗ്യതയുള്ളവർക്ക് അപേക്ഷിക്കാം. കൈവിരലുകൾക്ക് അംഗവൈകല്യം ഇല്ലാത്തവരും കണ്ണട ഉപയോഗിക്കാതെ കാഴ്ചശക്തി ഉള്ളവരുമായിരിക്കണം (മെഡിക്കൽ സർട്ടിഫിക്കറ്റ് നിർബന്ധമാണ്).

തിരഞ്ഞെടുക്കപ്പെടുന്നവർ പരിശീലന ഫീസായി 500 രൂപയോ സർക്കാർ പുതുക്കി നിശ്ചയിക്കുന്ന ഫീസോ പ്രവേശന സമയത്ത് അടയ്ക്കണം. പട്ടികജാതി/പട്ടികവർഗ്ഗത്തിൽപ്പെട്ടവർക്ക് ഫീസില്ല.  മാർച്ച് ഒൻപതിന് വൈകിട്ട് അഞ്ച് വരെ അപേക്ഷിക്കാം. മാർച്ച് 16, 17 തിയതികളിൽ നടക്കുന്ന അഭിമുഖത്തിലൂടെയാണ് വിദ്യാർത്ഥികളെ തിരഞ്ഞെടുക്കുന്നത്.

അഭിമുഖത്തിന് എല്ലാ സർട്ടിഫിക്കറ്റുകളുടെയും അസ്സൽ (കാഴ്ച തെളിയിക്കുന്ന സർട്ടിഫിക്കറ്റ്, കൈ വിരലുകൾക്ക് അംഗവൈകല്യം ഇല്ല എന്ന സർട്ടിഫിക്കറ്റ്) ഹാജരാക്കണം. അപേക്ഷകൾ പ്രിൻസിപ്പൽ ട്രെയിനിംഗ് ഓഫീസർ, മൃഗസംരക്ഷണ പരിശീലന കേന്ദ്രം, കുടപ്പനക്കുന്ന് പി.ഒ., തിരുവനന്തപുരം-695 043 എന്ന വിലാസത്തിൽ അയയ്ക്കണം. അപേക്ഷാഫോമിന്റെ മാതൃക www.ahd.kerala.gov.in ൽ ലഭിക്കും.