ജില്ലയുടെ പുതിയ കലക്ടറായി സീറാം സാംബശിവറാവു ചുമതലയേറ്റു. വ്യാഴാഴ്ച്ച രാവിലെ  10.30 നാണ് അദ്ദേഹം ചുമതലയേറ്റത്. ആന്ധ്രാ വിജയവാഡ സ്വദേശിയായ ഇദ്ദേഹം റിട്ടയേര്‍ഡ് റെയില്‍വേ ടിക്കറ്റ് ഇന്‍സ്‌പെക്ടര്‍ എസ് വെങ്കിട്ടരമണയുടെയും എസ്.സക്കുഭായിയുടെയും മകനാണ്. 33 കാരനായ സീറാം സാംബശിവറാവു ഇന്ത്യന്‍ അഡ്മിനിസ്‌ട്രേറ്റീവ് സര്‍വീസില്‍  2012 ബാച്ചിലെ ഉദ്യോഗസ്ഥനാണ്. പാലക്കാട് അസിസ്റ്റന്റ് കലക്ടര്‍ കേഡറികള്‍ പരിശീലനം നേടി,വയനാട്  സബ് കലക്ടര്‍  ഐ ടി മിഷന്‍ ഡയറക്ടര്‍ എന്നീ നിലകളില്‍  സേവനമനുഷ്ടിച്ചിട്ടുണ്ട്. ചെന്നൈ ഐഐടിയില്‍ നിന്ന് ബിടെക് ബിരുദം നേടി. ഐ ടി മിഷന്‍ ഡയറക്ടറായിരിക്കെ പൊതുജനങ്ങള്‍ക്ക് ഈ വകുപ്പിന്റെ നേട്ടങ്ങള്‍ എത്തിക്കുന്നതിന് നേതൃത്വം നല്‍കി. ഭരണ നിര്‍വഹണം കാര്യക്ഷമമാക്കുന്നതിനും അടിസ്ഥാന സൗകര്യവികസനത്തിനും പിന്നാക്ക വിഭാഗങ്ങളുടെ ഉന്നമനത്തിനും  ഊന്നല്‍ നല്‍കുമെന്ന് കലക്ടര്‍ പറഞ്ഞു. ഗവണ്‍മെന്റ് സൈബര്‍ പാര്‍ക്കിന്റെ പ്രവര്‍ത്തന പുരോഗതിക്ക് പരിഗണന നല്‍കുമെന്നും അദ്ദേഹം പറഞ്ഞു. എ.ഡി.എം റോഷ്‌നി നാരായണന്‍,സബ് കലക്ടര്‍ വി വിഘ്‌നേശ്വരി ഡപ്യൂട്ടി കലക്ടര്‍മാരായ സി ബിജു, സജീവ് ദാമോദരന്‍, കെ ഹേമ തഹസില്‍ദാര്‍  പ്രേമചന്ദ്രന്‍ തുടങ്ങിയവര്‍ സന്നിഹിതരായിരുന്നു.