നീരൊഴുക്ക് കുറഞ്ഞതിനാല് വാളയാര് ഡാമിന്റെ ഒരു ഷട്ടര് അടച്ചു. തുറന്ന മറ്റു രണ്ടു ഷട്ടറുകള് 2 സെന്റീമീറ്ററില് തന്നെ തുടരുന്നതായി ബന്ധപ്പെട്ട എക്സിക്യൂട്ടീവ് എന്ജിനീയര് അറിയിച്ചു.നാല് സെന്റിമീറ്ററില് നിന്നാണ് രണ്ട് സെന്റിമീറ്ററാക്കി കുറച്ചത്. മുന്പ് 7 സെന്റീമീറ്റര് വരെ ഉയര്ത്തിയിരുന്നു.
കാഞ്ഞിരപ്പുഴ ഡാമിന്റെ മൂന്ന് ഷട്ടറുകള് 10 സെന്റീമീറ്റര് ഉയര്ത്തിയിട്ടുണ്ട്. നിലവില് 5 സെന്റീമീറ്റര് വരെയായിരുന്നു ഉയര്ത്തിയിരുന്നത്. മുമ്പ് ഒരു മീറ്റര് വരെ ഉയര്ത്തിയ ഷട്ടറുകള് ഘട്ടം ഘട്ടമായി 85 സെമി,60 സെമീ, 40 സെമീ, 30 സെമീ, 20 സെ.മീ എന്നിങ്ങനെ താഴ്ത്തി 5 സെന്റിമീറ്റര് വരെ എത്തിയിരുന്നു. ഇതാണ് 10 സെന്റിമീറ്ററിലേക്ക് ഉയര്ത്തിയത്.
മംഗലം ഡാമില് 30 സെന്റിമീറ്ററില് നിന്നും 20 സെന്റിമീറ്റര് വരെ താഴ്ത്തിയ ഷട്ടറുകള് വീണ്ടും 15 സെന്റിമീറ്ററിലേക്ക് താഴ്ത്തിയത് തുടരുന്നു. മുന്പ് 60 സെന്റീമീറ്റര് വരെ ഇവിടെ ഷട്ടര് ഉയര്ത്തിയിരുന്നു.