കാക്കനാട് : എറണാകുളം നിയമസഭ ഉപതിരഞ്ഞെടുപ്പിൽ 107 സർവ്വീസ് വോട്ടുകൾ . വിവിധ സംസ്ഥാനങ്ങളിലും അയർലാൻഡ് സൗത്ത് സുഡാൻ, മോസ്കോ, ഇസ്രായേൽ , ശ്രീലങ്ക , സീഷെൽസ്, ബംഗ്ലാദേശ്, ഹോങ്കോങ് , തുർക്കി തുടങ്ങിയ ഒൻപത് രാജ്യങ്ങളിലുമായി 107 സർവ്വീസ് വോട്ടുകളാണുള്ളത്. ഇതിൽ 95 പേർ പുരുഷ വോട്ടർമാരും 12 പേർ സ്ത്രീ വോട്ടർമാരുമാണ്. സർവ്വീസ് വോട്ടർമാർക്ക് മൊബൈലിൽ ലഭിക്കുന്ന ഒറ്റിപി നമ്പർ ഉപയോഗിച്ച് ബാലറ്റ് പേപ്പർ ഡൗൺലോഡ് ചെയ്യാം. വോട്ട് രേഖപ്പെടുത്തിയ ശേഷം വോട്ടർമാർക്ക് അയച്ച് കൊടുത്തിട്ടുള്ള പ്രത്യേക കവറിലാക്കി വോട്ടെണ്ണൽ ദിനമായ ഒക്ടോബർ 24 ന് രാവിലെ 8 മണിക്ക് മുൻപ് തിരികെ കളക്ട്രേറ്റിൽ ലഭിക്കണം .