പാലക്കാട്: എന്‍.എച്ച്.എം. ആരോഗ്യ കേരളത്തിനു കീഴില്‍ വിവിധ തസ്തികകളിലേക്ക് ഇ -മെയില്‍ മുഖാന്തരം ജൂണ്‍ 28 ന് വൈകിട്ട് അഞ്ചിന് മുമ്പായി അപേക്ഷിച്ചവരുടെ കൂടിക്കാഴ്ച ജൂലൈ എട്ട് മുതല്‍ പത്ത് വരെ പാലക്കാട് ഗവ. മെഡിക്കല്‍ കോളെജില്‍ നടക്കും.
മോളിക്കുലര്‍ ലാബ് ടെക്‌നീഷ്യന്‍ തസ്തികയിലേക്ക് അപേക്ഷിച്ചവര്‍ക്ക് ജൂലൈ എട്ടിനും, ലാബ് ടെക്‌നീഷ്യന്‍ ജൂലൈ ഒമ്പത്, ലാബ് അസിസ്റ്റന്റ് തസ്തികയിലേക്ക് ജൂലൈ പത്തിനും കൂടിക്കാഴ്ച നടക്കും. അതത് ദിവസങ്ങളില്‍ രാവിലെ പത്തിന് പാലക്കാട് ഗവ. മെഡിക്കല്‍ കോളേജില്‍ കൂടിക്കാഴ്ചയ്ക്ക് ഹാജരാകണമെന്ന് എന്‍.എച്ച്. എം ജില്ലാ പ്രോഗ്രാം മാനേജര്‍ അറിയിച്ചു.
ഉദ്യോഗാര്‍ത്ഥികള്‍ അപേക്ഷയുടെ സമയവും തീയതിയും തെളിയിക്കുന്ന ഇ-മെയില്‍ പകര്‍പ്പ്, വിദ്യാഭ്യാസ യോഗ്യത, വയസ്സ് എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റും പകര്‍പ്പുമായി കൂടിക്കാഴ്ചയ്ക്ക് എത്തണം.