കോവിഡ് 19 പ്രതിരോധത്തിന്റെ ഭാഗമായി പ്രഖ്യാപിച്ച നിരോധനാജ്ഞ ലംഘിച്ചതിന് ജില്ലയില് പൊലീസ് 35 കേസുകള് കൂടി ഇന്നലെ (മാര്ച്ച് 29) രജിസ്റ്റര് ചെയ്തു. വിവിധ സ്റ്റേഷനുകളിലായി 59 പേരെ ഇന്നലെ അറസ്റ്റു ചെയ്തതായി ജില്ലാ പൊലീസ് മേധാവി യു. അബ്ദുള് കരീം അറിയിച്ചു. നിര്ദേശങ്ങള് ലംഘിച്ച് നിരത്തിലിറക്കിയ നാല് വാഹനങ്ങളും പൊലീസ് പിടിച്ചെടുത്തിട്ടുണ്ട്. ഇതോടെ നിരോധനാജ്ഞ ലംഘിച്ചതിന് പൊലീസ് രജിസ്റ്റര് ചെയ്ത കേസുകളുടെ എണ്ണം 267 ആയി. 387 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 42 വാഹനങ്ങളും പിടിച്ചെടുത്തു.
കോവിഡ് വ്യാപനം തടയാന് പ്രഖ്യാപിച്ച ആരോഗ്യ ജാഗ്രത ലംഘിച്ചതിനും തെറ്റായ വാര്ത്തകള് പ്രചരിപ്പിച്ചിനും ഇന്നലെ (മാര്ച്ച് 29) 39 കേസുകളാണ് പൊലീസ് രജിസ്റ്റര് ചെയ്തത്. ഇത്തരത്തില് ഇതുവരെ 257 കേസുകള് വിവിധ പൊലീസ് സ്റ്റേഷനുകളില് രജിസ്റ്റര് ചെയ്തിട്ടുണ്ടെന്നും ജില്ലാ പൊലീസ് മേധാവി വ്യക്തമാക്കി.