എറണാകുളം : ജില്ലയിൽ കോവിഡ്‌-19 മാഹാമാരി, ചുഴലിക്കാറ്റ്‌, പേമാരി എന്നിവ മൂലം തൊഴിൽ നഷ്ടപ്പെട്ട്‌ ദുരിതം അനുഭവിക്കുന്ന മത്സ്യത്തൊഴിലാളികൾക്ക് ഭക്ഷ്യകിറ്റുകൾ വിതരണം ചെയ്തു . കൊച്ചി എം എൽ എ കെ ജെ മാക്സി, ജില്ലാ കളക്ടർ എസ് സുഹാസ് എന്നിവർ ചേർന്നാണ് ഭക്ഷ്യകിറ്റുകൾ വിതരണം ചെയ്തത് .

മുനമ്പം, ഞാറയ്ക്കൽ, കൊച്ചി, ചെല്ലാനം എന്നീ മത്സ്യഭവനുകൾ വഴിയാണ് ഭക്ഷ്യകിറ്റുകൾ വിതരണം ചെയ്യുന്നത് . മുനമ്പം മത്സ്യഭവൻ വഴി 2584 കിറ്റുകളും ഞാറക്കൽ മത്സ്യ ഭവൻ വഴി 2593 കിറ്റുകളും കൊച്ചി മത്സ്യഭവൻ വഴി 1588 കിറ്റുകളും ചെല്ലാനും മത്സ്യഭവൻ വഴി 3231 കിറ്റുകളും വിതരണം ചെയ്യും പഞ്ചസാര, കടല, ചെറുപയർ, ഉഴുന്ന്, തുവരപ്പരിപ്പ് വെളിച്ചെണ്ണ, തേയില , മുളകുപൊടി , മല്ലിപൊടി, മഞ്ഞൾപൊടി, സോപ്പ്, ഉപ്പ്, കടുക്, ഉലുവ , പാൽപ്പൊടി എന്നിവ അടങ്ങിയ 9996 കിറ്റുകൾ ആണ് ജില്ലയിൽ വിതരണം ചെയ്യുക .

ചെല്ലാനം മൽസ്യഭവനിൽ നടന്ന ചടങ്ങിൽ ഫോർട്ട് കൊച്ചി സബ് കളക്ടർ ഡോ ഹാരിസ് റഷീദ്, ചെല്ലാനം പഞ്ചായത്ത് പ്രസിഡന്റ് കെ ഡി പ്രസാദ് , ഫിഷറീസ് വകുപ്പ് ജോയിന്റ് ഡയറക്ടർ എം എസ് സജു , ജൂനിയർ സൂപ്രണ്ട് പി സന്ദീപ് എന്നിവർ സന്നിഹിതരായിരുന്നു .