സഹകരണ വകുപ്പിന്റെ നിയന്ത്രണത്തിലുള്ള കേപ്പിന്റെ മുട്ടത്തറ, പെരുമൺ, ആറൻമുള, പത്തനാപുരം, കിടങ്ങൂർ, പുന്നപ്ര, വടകര, തലശ്ശേരി, തൃക്കരിപ്പൂർ എൻജിനിയറിങ് കോളേജുകളിൽ 2019-20 അധ്യയന വർഷത്തേക്കുള്ള ഇ.കെ നായനാർ കോ-ഓപ്പറേറ്റീവ് പ്രൊഫഷണൽ എഡ്യൂക്കേഷൻ സ്‌കോളർഷിപ്പിന് അപേക്ഷ ക്ഷണിച്ചു.
പ്ലസ് ടുവിന് 85 ശതമാനത്തിൽ കുറയാതെ മാർക്ക് നേടിയതും കുടുംബ വർഷിക വരുമാനം രണ്ടുലക്ഷം രൂപ കവിയാത്തതുമായ എല്ലാ വിദ്യർഥികൾക്കും സ്‌കോളർഷിപ്പിന് അർഹതയുണ്ട്.
സഹകരണ സ്ഥാപനങ്ങളിൽ ജോലി ചെയ്യുന്ന ജീവനക്കാരുടെ മക്കൾക്കായി സംവരണം ചെയ്ത സീറ്റിൽ പ്രവേശനം നേടിയവർക്ക് മാർക്കോ വരുമാനമോ കണക്കിലെടുക്കാതെ സ്‌കോളർഷിപ്പ് നൽകും. സ്‌കോളർഷിപ്പിന് അർഹരായ വിദ്യാർഥികൾ അപേക്ഷാ ഫോറത്തിനും കൂടുതൽ വിവരങ്ങൾക്കും അതതു കോളേജു പ്രിൻസിപ്പൽമാരെ സമീപിക്കണം.