കേരള സംസ്ഥാന വികലാംഗക്ഷേമ കോർപ്പറേഷനും, തിരുവനന്തപുരം ജില്ലാ പഞ്ചായത്തും ശ്രീ സത്യസായി ഓർഫനേജ് ട്രസ്റ്റും സംയുക്തമായി നടത്തിവരുന്ന കൊറ്റാമം ‘സാഫല്യം’ അഗതിമന്ദിരത്തിൽ അന്തേവാസികളാകാൻ താത്പര്യമുളള വ്യക്തികളിൽ നിന്ന് അപേക്ഷ ക്ഷണിച്ചു. നിരാലംബരും, നിർധനരും 50 വയസ്സിന് മുകളിൽ പ്രായവുമുളള, കിടപ്പുരോഗിയല്ലാത്ത ഭിന്നശേഷിക്കാരായവർക്ക് അപേക്ഷിക്കാം. അപേക്ഷകൾ നേരിട്ടും ഗ്രാമപ്പഞ്ചായത്തുകൾ/സന്നദ്ധസംഘടകൾ എന്നിവയ്ക്ക് വ്യക്തികൾക്ക് വേണ്ടിയും സമർപ്പിക്കാം. വെളളപേപ്പറിൽ തയ്യാറാക്കിയ അപേക്ഷയോടൊപ്പം അപേക്ഷകന്റെ പഞ്ചായത്ത്/മുനിസിപ്പാലിറ്റി/കോർപ്പറേഷൻ പ്രസിഡന്റിന്റെ ശുപാർശ, ആധാർ/ഇലക്ഷൻ ഐ.ഡി കാർഡ്/റേഷൻ കാർഡിന്റെ പകർപ്പ്, ഭിന്നശേഷി സർട്ടിഫിക്കറ്റിന്റെ പകർപ്പ്, കിടപ്പുരോഗി അല്ലെന്ന ഡോക്ടറുടെ സർട്ടിഫിക്കറ്റ്, അപേക്ഷകന് മറ്റ് സംരക്ഷകരില്ലെന്ന വില്ലേജ് ആഫീസറുടെ സാക്ഷ്യപത്രം, എന്നിവ സഹിതം അപേക്ഷിക്കണം. കൂടുതൽ വിവരങ്ങൾക്ക് വികലാംഗക്ഷമ കോർപ്പറേഷനുമായോ, തിരുവനന്തപുരം ജില്ലാ പഞ്ചായത്തുമായോ ബന്ധപ്പെടാം. അപേക്ഷ അയക്കേണ്ട വിലാസങ്ങൾ- 1. ദി മാനേജിംഗ് ഡയറക്ടർ, കേരള സംസ്ഥാന വികലാംഗക്ഷേമ കോർപ്പറേഷൻ, പൂജപ്പുര, തിരുവനന്തപുരം 12, ഫോൺ നമ്പർ: 0471 – 2347768, 2340568, 2347153, 2347152, 2347156. 2. ദി സെക്രട്ടറി/പ്രസിഡന്റ് തിരു: ജില്ലാ പഞ്ചായത്ത്, പട്ടം, തിരുവനന്തപുരം, ഫോൺ നമ്പർ: 0471  2550750, 2440890. 3. മാനേജർ, ‘സാഫല്യം’ പരിചരണകേന്ദ്രം, കൊറ്റാമം, പാറശ്ശാല, ഫോൺ: 9746605046