കാസര്‍കോട് ജില്ല പി.ആര്‍.ഡിയുടെ വീഡിയോ സ്ട്രിംഗര്‍ പാനലിന്റെ ഭാഗമാകാന്‍ അവസരം. ദൃശ്യമാധ്യമ രംഗത്ത് വാര്‍ത്താ വിഭാഗത്തില്‍ ഒരു വര്‍ഷത്തില്‍ കുറയാത്ത പ്രവൃത്തി പരിചയമുള്ള ജില്ലയില്‍ സ്ഥിര താമസക്കാരായവര്‍ക്കാണ് അവസരം. പ്രീഡിഗ്രി, പ്ലസ്ടു അഭിലഷണീയം. അപേക്ഷകര്‍ക്ക് സ്വന്തമായി ഫുള്‍ എച്ച്.ഡി. പ്രൊഫഷണല്‍ ക്യാമറ, ഡ്രൈവിംഗ് ലൈസന്‍സ് എന്നിവ ഉണ്ടാകണം, ദൃശ്യങ്ങള്‍ വേഗത്തില്‍ അയക്കുന്നതിനുള്ള സംവിധാനവും പരിജ്ഞാനവും നിര്‍ബന്ധമാണ്. അപേക്ഷകള്‍ നവംബര്‍ 20 വരെ സ്വീകരിക്കും. അപേക്ഷാ ഫോം ജില്ലാ ഇന്‍ഫര്‍മേഷന്‍ ഓഫീസിലും www.prd.kerala.gov.in ലും ലഭ്യമാണ്. അപേക്ഷയോടൊപ്പം യോഗ്യത തെളിയിക്കുന്ന രേഖകളുടെ പകര്‍പ്പും ഹാജരാക്കണം.