കോവിഡ് 19 ബാധിതരായി ജില്ലയില്‍ നിലവില്‍ 6208 പേരാണ് ചികിത്സയിലുള്ളത്. ഇന്ന് (നവംബര്‍ 11) ജില്ലയില്‍ 424 പേര്‍ക്കാണ് രോഗം സ്ഥിരീകരിച്ചത്. ഇന്ന് 135 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 85247 സാമ്പിളുകള്‍ പരിശോധനയ്ക്കായി അയച്ചതില്‍ 82748 പരിശോധനാ ഫലങ്ങളാണ് ലഭ്യമായത്. ഇന്ന് 454 പരിശോധനാ ഫലങ്ങളാണ് ലഭിച്ചത്. പുതുതായി 441 സാമ്പിളുകള്‍ അയച്ചു. 30580 പേര്‍ക്കാണ് ഇതുവരെ പരിശോധനാഫലം പോസിറ്റീവായത്. ഇതുവരെ 24093 പേര്‍ രോഗമുക്തി നേടി. ഇനി 1371 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

ഇതുവരെ 184873 പേരാണ് നിരീക്ഷണ കാലാവധി പൂര്‍ത്തിയാക്കിയത്. ഇതില്‍ ഇന്ന് മാത്രം 1191 പേര്‍ ക്വാറന്റൈന്‍ പൂര്‍ത്തിയാക്കി. ജില്ലയില്‍ 14988 പേര്‍ വീടുകളില്‍ നിരീക്ഷണത്തില്‍ തുടരുന്നുണ്ട്.