തിരഞ്ഞെടുപ്പ് ജീവനക്കാർക്ക് കോവിഡിനെ പ്രതിരോധിക്കാനുള്ള സാനിറ്റൈസറ്റുകളുടെയും എൻ 95 മാസ്‌കുകളുടെയും കൈയുറകളുടെയും വിതരണം ആരംഭിച്ചു. കോവിഡ് പശ്ചാത്തലത്തിൽ തദ്ദേശ തിരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥർക്കായി കർശന പ്രതിരോധ നടപടികളാണ് സ്വീകരിച്ചിരിക്കുന്നത്. ഉദ്യോഗസ്ഥർ സാനിറ്റൈസർ നിർബന്ധമായും ഉപയോഗിക്കണം. ഫേസ് ഷീൽഡ്, മാസ്‌ക്, കൈയുറ എന്നിവയും ധരിച്ചിരിക്കണം.
ഇതിനായി ജില്ലയിൽ ഇതുവരെ 16820 എൻ 95 മാസ്‌കുകളാണ് വിതരണം ചെയ്തത്. 7600 കൈയുറകളും 12308 ലിറ്റർ സാനിറ്റൈസറും 1415 ഫെയ്‌സ് ഷീൽഡുകളും വിതരണം ചെയ്തു. പഞ്ചായത്ത് ഡെപ്യൂട്ടി ഡയറക്ടർ എ.വി. അബ്ദുൽ ലത്തീഫിനാണ് വിതരണത്തിന്റെ ചുമതല.
16 ബ്ലോക്ക് പഞ്ചായത്തുകൾ, ഏഴ് മുൻസിപ്പാലിറ്റികൾ, കോർപ്പറേഷൻ എന്നിവയിലേക്കാണ് ജീവനക്കാർക്കുള്ള കോവിഡ് പ്രതിരോധ സാമഗ്രികൾ വിതരണം ചെയ്യുന്നത്. ഗ്രാമപഞ്ചായത്ത് വരണാധികാരികൾക്കുള്ള സാമഗ്രികൾ അതാത് ബ്ലോക്ക് ഓഫീസുകളിൽ നിന്ന് വിതരണം ചെയ്യും. വോട്ടർമാർക്കുള്ള സാമഗ്രികളുടെ വിതരണം പിന്നീട് നടക്കും