പട്ടികവർഗ്ഗ വികസന വകുപ്പിനു കീഴിലെ ചാലക്കുടി, മൂന്നാർ, നല്ലൂർനാട്, ഇടുക്കി, കണിയാമ്പറ്റ മോഡൽ റസിഡൻഷ്യൽ സ്‌കൂളുകളിൽ ഹയർ സെക്കണ്ടറി തലത്തിൽ സയൻസ് ലാബ് സജ്ജീകരിക്കുന്നതിനായി മേഖലയിൽ മൂന്ന് വർഷത്തെ പ്രവൃത്തിപരിചയമുള്ള സർക്കാർ അക്രഡിറ്റഡ് സ്ഥാപനങ്ങളിൽ നിന്നും താത്പര്യപത്രം ക്ഷണിച്ചു. ഓരോ മോഡൽ റസിഡൻഷ്യൽ സ്‌കൂളുകളും സന്ദർശിച്ച് ആവശ്യമായ പ്രവൃത്തികൾ ചെയ്യുന്നതിനുള്ള താത്പര്യപത്രമാണ് നൽകേണ്ടത്. സിവിൽ വർക്കുകൾക്കായി പ്രത്യേകം പ്രൊപ്പോസൽ സമർപ്പിക്കണം. സിവിൽ വർക്കുകൾക്കായുള്ള ഡിപിആർ പ്രൈസ് സോഫ്റ്റ്‌വെയറിൽ തയ്യാറാക്കണം. താത്പര്യപത്രം 19ന് വൈകിട്ട് നാല് വരെ സ്വീകരിക്കും. പ്രീബിഡ് മീറ്റിംഗ് 16ന് രാവിലെ 11.30 ന് പട്ടിക വർഗ്ഗ വികസന വകുപ്പ് ഡയറക്ടറേറ്റിൽ നടത്തും. കൂടുതൽ വിവരങ്ങൾക്ക് വികാസ് ഭവനിൽ പ്രവർത്തിക്കുന്ന പട്ടികവർഗ്ഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടണം. ഫോൺ:0471-2304594.