കോവിഡ് ബാധിതരായ അതിഥി തൊഴിലാളികള്‍ക്കായി ഇലന്തൂര്‍ ബ്ലോക്ക് പഞ്ചായത്ത്, കോഴഞ്ചേരി സെന്റ് തോമസ് കോളേജ് വനിതാ ഹോസ്റ്റലില്‍ സജ്ജീകരിച്ച ഗൃഹവാസ പരിചരണ കേന്ദ്രത്തിന്റെ(ഡിസിസി) ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര്‍ ശങ്കരന്‍ നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്റ് ഇന്ദിരാദേവി അധ്യക്ഷയായിരുന്നു.
പ്രാരംഭമായി വനിതകള്‍ക്ക് 10 കിടക്കകളും പുരുഷന്മാര്‍ക്ക് 20 കിടക്കകളുമാണ് സജീകരിച്ചിരിക്കുന്നത്. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ സാലി ലാലു പുന്നക്കാട് സ്വാഗതം ആശംസിച്ചു. വൈസ് പ്രസിഡന്റ് പി.വി അന്നമ്മ,
വികസന സ്ഥിരം സമിതി അധ്യക്ഷ ആതിര ജയന്‍, ക്ഷേമകാര്യ സ്ഥിരം സമിതി അധ്യക്ഷന്‍ അഭിലാഷ് വിശ്വനാഥ്, മറ്റ് ബ്ലോക്ക്, ഗ്രാമപഞ്ചായത്ത് അംഗങ്ങള്‍, ഉദ്യോഗസ്ഥര്‍, വിവിധ രാഷ്ട്രീയ സാമൂഹ്യ രംഗത്തെ പ്രവര്‍ത്തകര്‍, സന്നദ്ധ പ്രവര്‍ത്തകര്‍, ബ്ലോക്ക് സാക്ഷരത പ്രേരക്മാര്‍ തുടങ്ങിയവര്‍ പങ്കെടുത്തു. ഇലന്തൂര്‍ സൂഹികാരോഗ്യ കേന്ദ്രം ഡോ. നയന, സ്റ്റാഫ് നേഴ്‌സ് സുമ എന്നിവര്‍ വോളന്റീയര്‍മാര്‍ക്കുള്ള പരിശീലനം നല്കി.
