ആലപ്പുഴ: ജില്ലയിൽ പ്രളയ ദുരിതത്തിന്റെ അടിയന്തിര സാഹചര്യം കണക്കിലെടുത്ത് ആരോഗ്യ കേന്ദ്രങ്ങളിലേക്ക് ഒരു മാസത്തേക്ക് സ്റ്റാഫ് നഴ്‌സായി കരാർ അടിസ്ഥാനത്തിൽ ജനറൽ നഴ്‌സിങ്/ബി.എസ്.സി നഴ്‌സിങ് പാസായ സ്റ്റേറ്റ് നഴ്‌സിങ് കൗൺസിൽ രജിസ്‌ട്രേഷൻ ഉള്ളവരെ തിരഞ്ഞെടുക്കുന്നു. ജില്ല മെഡിക്കൽ ഓഫീസ് (ആരോഗ്യം) ആലപ്പുഴയിൽ ഓഗസ്റ്റ് 26ന് രാവിലെ 11ന് വാക്-ഇൻ-ഇന്റർവ്യൂ നടത്തും. ആരോഗ്യ വകുപ്പിന്റെ ഗവ. സ്‌കൂൾ ഓഫ് നഴ്‌സിങിൽ പാസായ ഉദ്യോഗാർഥികൾ ആരോഗ്യ വിദ്യാഭ്യാസ ഡയറക്ടറേറ്റിന്റെ ജി.എൻ.എം/ബി.എസ് സി നഴ്‌സിങ് പാസായ ഉദ്യോഗാർഥികൾക്ക് മുൻഗണന. ഉദ്യോഗാർഥികൾ ഇല്ലാത്തപക്ഷം മറ്റ് ഉദ്യോഗാർഥികളെ നിയമപ്രകാരമുള്ള മുൻഗണന കണക്കാക്കി നിയമിക്കും. താൽപര്യമുള്ളവർ അന്നേ ദിവസം രാവിലെ 11ന് അസൽ സർട്ടിഫിക്കറ്റുകൾ സഹിതം ഹാജരാകണം.