കേരള വനിതാ കമ്മീഷന്റെ എറണാകുളം, കോഴിക്കോട് റീജണല് ഓഫീസുകളില് സൗജന്യ കൗണ്സിലിങ് സേവനം ഒരുക്കുന്നു. എല്ലാ മാസവും ആദ്യ മൂന്ന് ആഴ്ചകളിലെ തിങ്കള്, ബുധന്, വെള്ളി ദിവസങ്ങളില് സൗജന്യ കൗണ്സിലിങ് സേവനം ലഭിക്കുമെന്ന് വനിതാ കമ്മീഷന് ചെയര്പേഴ്സണ് അഡ്വ. പി. സതീദേവി അറിയിച്ചു. കൗണ്സിലിങ് ആവശ്യമായവര് കോഴിക്കോട് സിവില് സ്റ്റേഷനില് പ്രവര്ത്തിക്കുന്ന റീജണല് ഓഫീസ്, എറണാകുളം നോര്ത്ത് കോര്പറേഷന് കെട്ടിടത്തിന്റെ ഒന്നാം നിലയില് പ്രവര്ത്തിക്കുന്ന റീജണല് ഓഫീസിലോ ബന്ധപ്പെടണം. ഫോണ്: കോഴിക്കോട് -0495 2377590, എറണാകുളം- 0484 2926019.
