എറണാകുളം: ജില്ലാ പഞ്ചായത്തിന്‍റെ കഴിഞ്ഞ അഞ്ചു വര്‍ഷത്തെ വികസന നേട്ടങ്ങള്‍ വിവരിക്കുന്ന എറണാകുളം ജില്ലാ പഞ്ചായത്ത് വികസനരേഖ പ്രകാശനം ചെയ്തു. ജില്ലാ പഞ്ചായത്തില്‍ നടന്ന ചടങ്ങില്‍ പ്രസിഡന്‍റ് ഡോളി കുര്യാക്കോസ് വികസനരേഖ മുന്‍ പ്രസിഡന്‍റ് ആശാ സനലിന് നല്‍കി പ്രകാശനം നിര്‍വഹിച്ചു.
ജില്ലാ പഞ്ചായത്ത് വൈസ് പ്രസിഡന്‍റ് ബി. എ. അബ്ദുള്‍ മുത്തലിബ്, സ്ഥിരംസമിതി അംഗങ്ങളായ സി.കെ അയ്യപ്പന്‍കുട്ടി, ജാന്‍സി ജോര്‍ജ്, ജില്ലാ പഞ്ചായത്തംഗങ്ങളായ ശാരദ മോഹന്‍, സെക്രട്ടറി അജി ഫ്രാന്‍സിസ്, ഫിനാന്‍സ് ഓഫീസര്‍ ജോബി തോമസ് എന്നിവര്‍ സന്നിഹിതരായിരുന്നു.