ആയുര്‍വേദ മെഡിക്കല്‍ വിദ്യാഭ്യാസ വകുപ്പ് നടത്തുന്ന ആയുര്‍വേദ പാരാ മെഡിക്കല്‍ കോഴ്സുകളുടെ (ആയുര്‍വേദ ഫാര്‍മസിസ്റ്റ്, ആയുര്‍വേദ തെറാപ്പിസ്റ്റ്, ആയുര്‍വേദ നഴ്സിംഗ്) സപ്ലിമെന്ററി പരീക്ഷ ഡിസംബര്‍, ജനുവരി മാസങ്ങളില്‍ തിരുവനന്തപുരം/ തൃപ്പൂണിത്തുറ/ കണ്ണൂര്‍ സര്‍ക്കാര്‍ ആയുര്‍വേദ കോളേജുകളില്‍ നടക്കും. ഒരു വിഷയത്തിന് 110 രൂപയാണ് ഫീസ്. ഈ മാസം 23 വരെ ഫൈനില്ലാതെ ഫീസടയ്ക്കാം. 25 രൂപ ഫൈനോടുകൂടി 30 വരെ ഫീസടയ്ക്കാം.

അപേക്ഷാഫോറം www.ayurveda.kerala.gov.in ല്‍ ലഭിക്കും. അപേക്ഷാഫീസ് ‘0210-03-101-98 Exam fees and other fees’ എന്ന ഹെഡ് ഓഫ് അക്കൗണ്ടില്‍ കേരളത്തിലെ ഏതെങ്കിലും സര്‍ക്കാര്‍ ട്രഷറിയില്‍ അടയ്ക്കാം. പൂരിപ്പിച്ച അപേക്ഷ വിദ്യാര്‍ഥി കോഴ്സ് പഠിച്ച സ്ഥാപനങ്ങളിലെ പ്രിന്‍സിപ്പല്‍മാര്‍ക്ക് 30ന് വൈകിട്ട് അഞ്ച് വരെ സമര്‍പ്പിക്കാം. ആയുര്‍വേദ മെഡിക്കല്‍ വിദ്യാഭ്യാസ ഡയറക്ടറുടെ ഓഫീസില്‍ നേരിട്ട് അപേക്ഷ സ്വീകരിക്കില്ല. പരീക്ഷാ ടൈംടേബിള്‍ എല്ലാ ആയുര്‍വേദ കോളേജുകളിലും ആയുര്‍വേദ പാരാമെഡിക്കല്‍ സ്ഥാപനങ്ങളിലും വകുപ്പിന്റെ ഔദ്യോഗിക വെബ്സൈറ്റിലും പ്രസിദ്ധീകരിക്കും.