ഐ.എച്ച്.ആര്‍.ഡിയുടെ അനുബന്ധ സ്ഥാപനമായ തിരുവനന്തപുരം മോഡല്‍ ഫിനിഷിങ് സ്‌കൂളില്‍ നവംബര്‍ അവസാനവാരം ആരംഭിക്കുന്ന സൗജന്യ കോഴ്സുകളിലേക്ക് അപേക്ഷകള്‍ ക്ഷണിച്ചു. ഇലക്ട്രീഷ്യന്‍ ഡൊമസ്റ്റിക് സൊല്യൂഷന്‍സിനുള്ള യോഗ്യത: എസ്.എസ്.എല്‍.സി, പ്രായം:18-30 വരെ. കാലാവധി: 3-4 മാസം. ഫീല്‍ഡ് ടെക്നീഷ്യന്‍ (അതര്‍ ഹോം അപ്ലയന്‍സസ്) നുള്ള യോഗ്യത എസ്.എസ്.എല്‍.സിയാണ്. പ്രായം: 18-30 വരെ. മൂന്നുമാസമാണ് കാലാവധി.

അപേക്ഷകര്‍ തിരുവനന്തപുരം കോര്‍പ്പറേഷന്‍, നെടുമങ്ങാട്, നെയ്യാറ്റിന്‍കര, ആറ്റിങ്ങല്‍ എന്നീ മുന്‍സിപ്പാലിറ്റി പരിധിയില്‍ സ്ഥിര താമസക്കാരും ബി.പി.എല്‍ വിഭാഗത്തില്‍പ്പെട്ടവരോ അല്ലെങ്കില്‍ ഒരു ലക്ഷം രൂപയില്‍ താഴെ വാര്‍ഷിക കുടുംബ വരുമാനം ഉള്ളവരോ ആയിരിക്കണം.

ഫീസോടു കൂടിയുള്ള തൊഴിലധിഷ്ഠിത കോഴ്സുകളും സംഘടിപ്പിക്കുന്നു. 30 മണിക്കൂര്‍ ദൈര്‍ഘ്യമുള്ള പൈതണ്‍ ബേസിക് കോഴ്സിന് ഫീസ് 3000 രൂപയും ജി.എസ്.ടിയുമാണ്. താല്‍പ്പര്യമുള്ളവര്‍ക്ക് പ്രായ/ വിദ്യാഭ്യാസ പരിധിയില്ല. റോബോട്ടിക്‌സ് ബേസിക്സ് കോഴ്സിന് 40 മണിക്കൂറാണ് ക്ലാസുകള്‍. 3500 രൂപയും ജി.എസ്.ടിയുമാണ് ഫീസ്. കോഴ്‌സിലൂടെ 5000 രൂപ ചെലവില്‍ ഒരു കോവിഡ് പ്രതിരോധ ഇലക്ട്രോണിക് ഹാന്‍ഡ് സാനിട്ടൈസര്‍ സ്വയം നിര്‍മ്മിച്ച് സ്വന്തമാക്കുവാനും സാധിക്കും.

ഡിഷ് ആന്റിന ആന്‍ഡ് സെറ്റ് അപ്പ് ബോക്സ് ടെക്‌നിഷ്യന്‍ കോഴ്സിന് 100 മണിക്കൂറാണ് ക്ലാസുകള്‍. ഫീസ് 5000 രൂപയും ജി.എസ്.ടിയുമാണ്. പത്താം ക്ലാസാണ് യോഗ്യത. വയസ്സ്:18-35 വരെ. താല്‍പര്യമുള്ള അപേക്ഷകര്‍ 0471 2307733, 8547005050 എന്ന നമ്പറില്‍ മോഡല്‍ ഫിനിഷിങ്ങ് സ്‌കൂള്‍ ഓഫീസുമായി ബന്ധപെടുകയോ അല്ലെങ്കില്‍ താമസിക്കുന്ന മുന്‍സിപ്പാലിറ്റി/കോര്‍പ്പറേഷനിലെ എന്‍.യു.എല്‍.എം ഓഫീസുമായോ ബന്ധപ്പെടണം. വെബ്‌സൈറ്റ്: www.modelfinishingschool.org.