പാലക്കാട്:  കോവിഡ് 19 ബാധിതരായി ജില്ലയില്‍ നിലവില്‍ 4609 പേരാണ് ചികിത്സയിലുള്ളത്. ചൊവ്വാഴ്ച(ഡിസംബർ 01) ജില്ലയില്‍ 323 പേര്‍ക്കാണ് രോഗം സ്ഥിരീകരിച്ചത്. 128 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 98921 സാമ്പിളുകള്‍ പരിശോധനയ്ക്കായി അയച്ചതില്‍ 96666 പരിശോധനാ ഫലങ്ങളാണ് ലഭ്യമായത്. ചൊവ്വാഴ്ച 414 പരിശോധനാ ഫലങ്ങളാണ് ലഭിച്ചത്. പുതുതായി 278 സാമ്പിളുകൾ അയച്ചു. 38716 പേർക്കാണ് ഇതുവരെ പരിശോധനാഫലം പോസിറ്റീവായത്. ഇതുവരെ 33606 പേർ രോഗമുക്തി നേടി.

ഇതുവരെ 209384 പേരാണ് നിരീക്ഷണ കാലാവധി പൂര്‍ത്തിയാക്കിയത്. ഇതില്‍ചൊവ്വാഴ്ച മാത്രം 956 പേര്‍ ക്വാറന്റൈന്‍ പൂര്‍ത്തിയാക്കി. ജില്ലയിൽ 14765 പേർ വീടുകളിൽ നിരീക്ഷണത്തില്‍ തുടരുന്നുണ്ട്.