തൃശ്ശൂർ: ചാവക്കാട്‌ നഗരസഭ വൈസ് ചെയർമാനായി കെ കെ മുബാറക് ചുമതലയേറ്റു. യു ഡി എഫ് സ്ഥാനാർഥി കെ വി സത്താറാണ് എതിരെ മത്സരിച്ചത്. മുബാറക്ന് 23 വോട്ടും കെ വി സത്താറിന് 9 വോട്ടുമാണ് ലഭിച്ചത്. നഗരസഭയിലെ 32 വാർഡുകളിൽ മത്സരിച്ചു ജയിച്ച എല്ലാവരും വോട്ട് രേഖപ്പെടുത്തി. നഗരസഭ കൗൺസിൽ ഹാളിൽ നടന്ന ചടങ്ങിൽ ചെയർപേഴ്സൺ ഷീജ പ്രശാന്ത് മുബാറകിന് സത്യവാചകം ചൊല്ലിക്കൊടുത്തു. ചടങ്ങിൽ പുതിയ ഭരണസമിതി അംഗങ്ങൾ, നഗരസഭാ സെക്രട്ടറി കെ ബി വിശ്വനാഥൻ, വിവിധ രാഷ്ട്രീയ കക്ഷി നേതാക്കൾ എന്നിവർ പങ്കെടുത്തു.