കണ്ണൂർ: ഇന്ന് (ഏപ്രില്‍ 28 ബുധനാഴ്ച) ജില്ലയില്‍  മൊബൈല്‍ ലാബ് സംവിധാനം ഉപയോഗിച്ച് സൗജന്യ കൊവിഡ് 19 ആര്‍ടിപിസിആര്‍ പരിശോധന നടത്തും. കുയിലൂര്‍ എല്‍ പി സ്‌കൂള്‍, തളിപ്പറമ്പ താലൂക്കാശുപത്രി, മൊറാഴ പ്രാഥമികാരോഗ്യകേന്ദ്രം, ഏഴോം മൂല വെല്‍ഫെയര്‍ സ്‌കൂള്‍, പുളിങ്ങോം വ്യാപാര ഭവന്‍, പെരിങ്ങോം സി ആര്‍ പി എഫ് ക്യാമ്പ് (ജീവനക്കാര്‍ക്ക് മാത്രം) എന്നിവിടങ്ങളിലാണ് സൗജന്യ കൊവിഡ് പരിശോധനക്ക് സൗകര്യമൊരുക്കിയിരിക്കുന്നത്. രാവിലെ 10.30 മുതല്‍ വൈകിട്ട് 3.30 വരെയാണ് പരിശോധന. പൊതുജനങ്ങള്‍ ഈ സൗകര്യം ഉപയോഗപ്പെടുത്തണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.