കൊല്ലം: ജില്ലയില്‍ ഇന്ന് 791 പേര്‍ക്ക് കോവിഡ് സ്ഥിരീകരിച്ചു. 1976 പേര്‍ രോഗമുക്തി നേടി. വിദേശത്തു നിന്നെത്തിയ രണ്ടു പേര്‍ക്കും ഇതര സംസ്ഥാനത്തു നിന്നെത്തിയ ഒരാള്‍ക്കും സമ്പര്‍ക്കം വഴി 782 പേര്‍ക്കും ആറ് ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 204 പേര്‍ക്കാണ് രോഗബാധ. മുനിസിപ്പാലിറ്റികളില്‍ കരുനാഗപ്പള്ളി, പുനലൂര്‍ എന്നിവിടങ്ങളില്‍ 19 വീതവും പരവൂര്‍-14, കൊട്ടാരക്കര-അഞ്ച് എന്നിങ്ങനെയാണ് രോഗബാധിതരുടെ എണ്ണം.

ഗ്രാമപഞ്ചായത്തുകളില്‍ തൃക്കോവില്‍വട്ടം-55, ഏരൂര്‍-23, നെടുമ്പന-22, പെരിനാട്, മയ്യനാട് എന്നിവിടങ്ങളില്‍ 18 വീതവും കല്ലുവാതുക്കല്‍, ചാത്തന്നൂര്‍, പത്തനാപുരം ഭാഗങ്ങളില്‍ 17 വീതവും ചവറ, തൃക്കരുവ, മൈലം പ്രദേശങ്ങളില്‍ 16 വീതവും ആദിച്ചനല്ലൂര്‍, പൂതക്കുളം എന്നിവിടങ്ങളില്‍ 15 വീതവും കൊറ്റങ്കര, തൊടിയൂര്‍ ഭാഗങ്ങളില്‍ 14 വീതവും കടയ്ക്കല്‍, പിറവന്തൂര്‍ പ്രദേശങ്ങളില്‍ 12 വീതവും ഇളമ്പള്ളൂര്‍, ഈസ്റ്റ് കല്ലട, പന്മന എന്നിവിടങ്ങളില്‍ 11 വീതവും പനയം, മൈനാഗപ്പള്ളി ഭാഗങ്ങളില്‍ 10 വീതവും ആലപ്പാട്, കുണ്ടറ പ്രദേശങ്ങളില്‍ ഒന്‍പതു വീതവും അഞ്ചല്‍, കരവാളൂര്‍, കുലശേഖരപുരം, ചടയമംഗലം, പൂയപ്പള്ളി എന്നിവിടങ്ങളില്‍ എട്ടു വീതവും ചിറക്കര, തഴവ ഭാഗങ്ങളില്‍ ഏഴു വീതവും ചിതറ, വെസ്റ്റ് കല്ലട, ശാസ്താംകോട്ട പ്രദേശങ്ങളില്‍ ആറു വീതവും നെടുവത്തൂര്‍, വിളക്കുടി എന്നിവിടങ്ങളില്‍ അഞ്ചു വീതവും എഴുകോണ്‍, പോരുവഴി, വെളിയം ഭാഗങ്ങളില്‍ നാലു വീതവും ആര്യങ്കാവ്, ഇടമുളയ്ക്കല്‍, ഇളമാട്, ഉമ്മന്നൂര്‍, പട്ടാഴി, പവിത്രേശ്വരം, ശൂരനാട് സൗത്ത് പ്രദേശങ്ങളില്‍ മൂന്നു വീതവുമാണ് രോഗബാധിതര്‍ ഉള്ളത്. മറ്റിടങ്ങളില്‍ രണ്ടും അതില്‍ താഴെയുമാണ് രോഗബാധിതരുടെ എണ്ണം.