– മിതവ്യാപന (ബി വിഭാഗം) സ്ഥലങ്ങൾ 51
– വ്യാപനം കുറഞ്ഞ (എ വിഭാഗം) സ്ഥലങ്ങൾ 12
– ഏറ്റവും കുറഞ്ഞ ടി.പി.ആർ. തകഴിയിൽ; ഉയർന്നത് കുത്തിയതോട്

ആലപ്പുഴ: ജില്ലയിൽ പ്രതിവാര കോവിഡ് 19 പരിശോധന നിരക്കിന്റെ (ടി.പി.ആർ) അടിസ്ഥാനത്തിൽ തദ്ദേശസ്വയംഭരസ്ഥാപനങ്ങളെ തിരിച്ച് ജൂലൈ ഏഴു വരെ ഇളവുകളും നിയന്ത്രണങ്ങളും ഏർപ്പെടുത്തി ജില്ല കളക്ടർ എ. അലക്‌സാണ്ടർ ഉത്തരവായി. ജൂൺ 30 വരെയുള്ള പ്രതിവാര ടി.പി.ആർ. നിരക്കിനെ അടിസ്ഥാനമാക്കിയാണ് ഇന്നു മുതൽ(ജൂലൈ ഒന്ന്) നിയന്ത്രണങ്ങളും ഇളവുകളും ഏർപ്പെടുത്തിയിട്ടുള്ളത്. ടി.പി.ആർ. ആറു ശതമാനത്തിൽ താഴെയുള്ള വ്യാപനം കുറഞ്ഞ സ്ഥലങ്ങളെ എ വിഭാഗത്തിലും ആറു മുതൽ 12 ശതമാനം വരെയുള്ള മിതവ്യാപനമുള്ള സ്ഥലങ്ങളെ ബി വിഭാഗത്തിലുമാണ് ഉൾക്കൊള്ളിച്ചിരിക്കുന്നത്.

ടി.പി.ആർ. 12നും 18നും ഇടയ്ക്കുള്ള അതിവ്യാപനമുള്ള സ്ഥലങ്ങളെ സി വിഭാഗത്തിലും 18 ശതമാനത്തിനു മുകളിലുള്ള അതിതീവ്രവ്യാപനമുള്ള സ്ഥലങ്ങളെ ഡി വിഭാഗത്തിലുമാണ് ഉൾക്കൊള്ളിച്ചിരിക്കുന്നത്. ഡി വിഭാഗത്തിൽ രണ്ടു പഞ്ചായത്തുകളും സി വിഭാഗത്തിൽ രണ്ടു നഗരസഭകളടക്കം 13 തദ്ദേശസ്ഥാപനങ്ങളും ബി വിഭാഗത്തിൽ നാലു നഗരസഭകളടക്കം 51 തദ്ദേശസ്ഥാപനങ്ങളും എ വിഭാഗത്തിൽ 12 പഞ്ചായത്തുകളും ഉൾപ്പെടുന്നു. ജില്ലയിൽ ഏറ്റവും കുറഞ്ഞ ടി.പി.ആർ.

നിരക്ക് തകഴി പഞ്ചായത്തിലാണ്- 2.03 ശതമാനം. 18.92 ശതമാനമുള്ള കുത്തിയതോട് പഞ്ചായത്തിലാണ് ഏറ്റവും ഉയർന്ന ടി.പി.ആറുള്ളത്. നേരത്തേയുള്ള നിയന്ത്രണങ്ങളും ഇളവുകളും അതത് വിഭാഗത്തിൽപ്പെടുന്ന സ്ഥലങ്ങളിൽ ബാധകമാണ്. ബി വിഭാഗത്തിൽ വരുന്ന സ്ഥലങ്ങളിൽ ഡ്രൈവർ ഉൾപ്പെടെ രണ്ടു യാത്രക്കാർക്ക് ഓട്ടോറിക്ഷ യാത്ര അനുവദിച്ചിട്ടുണ്ട്. ശനി, ഞായർ(ജൂലൈ മൂന്ന്, നാല്) തീയതികളിൽ പൂർണ ലോക്ഡൗൺ ആയിരിക്കും. പൂർണലോക്ഡൗണിൽ അനുവദനീയമായ പ്രവർത്തനങ്ങളേ ഈ ദിവസങ്ങളിൽ
അനുവദിക്കൂ.

ഡി വിഭാഗം (ടി.പി.ആർ. 18നു മുകളിൽ)

പെരുമ്പളം(ടി.പി.ആർ. 18.12 ശതമാനം), കുത്തിയതോട്(18.92)

സി വിഭാഗം (ടി.പി.ആർ. 12-18)

നഗരസഭകൾ: കായംകുളം(12.38), ചേർത്തല(14.78)

പഞ്ചായത്തുകൾ: പാണാവള്ളി(12.24), കടക്കരപ്പള്ളി(12.41), ദേവികുളങ്ങര(12.92), ആര്യാട്(13.10), ചിങ്ങോലി(13.17), വള്ളികുന്നം(13.35), ചേർത്തല തെക്ക്(13.60), ചുനക്കര(13.70), പുറക്കാട്(14.70), ചെട്ടികുളങ്ങര(15), കാർത്തികപ്പള്ളി(16.26)

ബി വിഭാഗം സി വിഭാഗം (ടി.പി.ആർ. 6-12)

നഗരസഭകൾ: ചെങ്ങന്നൂർ(7.19), മാവേലിക്കര(7.30), ഹരിപ്പാട്(10.33), ആലപ്പുഴ(10.91)

പഞ്ചായത്തുകൾ: പള്ളിപ്പാട്(6.06), കൈനകരി(6.14), പത്തിയൂർ(6.54), അമ്പലപ്പുഴ തെക്ക്(6.75), എടത്വാ(6.79), കൃഷ്ണപുരം(6.88), ചമ്പക്കുളം(6.91), അമ്പലപ്പുഴ വടക്ക്(7.15), കുമാരപുരം(7.26), കോടംതുരുത്ത്(7.31), ആല(7.47), ചേപ്പാട്(7.49), മാവേലിക്കര-താമരക്കുളം(7.68), നൂറനാട്(7.72), വയലാർ(7.72), കാവാലം(8.02), മുഹമ്മ(8.08), പാണ്ടനാട്(8.11), എഴുപുന്ന(8.15), പുന്നപ്ര തെക്ക്(8.21), കരുവാറ്റ(8.29), തൃക്കുന്നപ്പുഴ(8.49), അരൂക്കുറ്റി(8.77), പുളിങ്കുന്ന്(8.79), കണ്ടല്ലൂർ(8.97), തണ്ണീർമുക്കം(9.11), മാരാരിക്കുളം വടക്ക്(9.15), മാരാരിക്കുളം തെക്ക്(9.25), പുന്നപ്ര വടക്ക്(9.77), അരൂർ(9.80), രാമങ്കരി(9.83), ബുധനൂർ(9.90), തിരുവൻവണ്ടൂർ(9.90), മാന്നാർ(9.98), ആറാട്ടുപുഴ(10.01), പുലിയൂർ(10.16), മാവേലിക്കര തെക്കേക്കര(10.20), പട്ടണക്കാട്(10.33), ചെന്നിത്തല തൃപ്പെരുന്തുറ(10.48), മുളക്കുഴ(10.64), മണ്ണഞ്ചേരി(10.90), വീയപുരം(11.03), മുതുകുളം(11.20), ഭരണിക്കാവ്(11.35), തഴക്കര(11.44), തുറവൂർ(11.58), കഞ്ഞിക്കുഴി(11.95)

എ വിഭാഗം (ടി.പി.ആർ. ആറിനു താഴെ)

തകഴി(2.03), മുട്ടാർ(2.08), ചെറുതന(3.25), തൈക്കാട്ടുശേരി(3.86), തലവടി(3.90), ചേന്നംപള്ളിപ്പുറം(4.14), നീലംപേരൂർ(4.77), പാലമേൽ(5.32), വെളിയനാട്(5.34), നെടുമുടി(5.36), ചെറിയനാട്(5.41), വെൺമണി(5.96)