മലപ്പുറം: 2021-ലെ സംസ്ഥാന കര്‍ഷക അവാര്‍ഡുകള്‍ നല്‍കുന്നതിനായി കൃഷി വകുപ്പ് അപേക്ഷകള്‍ ക്ഷണിക്കുന്നു. ഓരോ വര്‍ഷവും സംസ്ഥാനത്തെ മികച്ച കര്‍ഷകര്‍, മികച്ച പാടശേഖര സമിതി, കര്‍ഷക തൊഴിലാളികള്‍, ശാസ്ത്രജ്ഞന്‍മാര്‍, പത്രപ്രവര്‍ത്തകര്‍, കാര്‍ഷിക മേഖലയിലെ മികച്ച പ്രവര്‍ത്തനം കാഴ്ച വയ്ക്കുന്ന വിവിധ മേഖലകളിലെ വ്യക്തികള്‍ എന്നിവര്‍ക്കാണ് അവാര്‍ഡുകള്‍ നല്‍കുന്നത്.
അഞ്ച് ലക്ഷം രൂപയും ഫലകവും നല്‍കുന്ന മിത്രാനികേതന്‍ പത്മശ്രീ വിശ്വനാഥന്‍ മെമ്മോറിയല്‍ നെല്‍ക്കതിര്‍ അവാര്‍ഡാണ് ഏറ്റവും കൂടുതല്‍ സമ്മാന തുകയുള്ള അവാര്‍ഡ്. ഇതിനു പുറമെ പച്ചക്കറി വികസന പദ്ധതി അവാര്‍ഡുകള്‍, ജൈവ കൃഷി അവാര്‍ഡുകള്‍, മറ്റു വിവിധ വിഭാഗങ്ങളിലായും അപേക്ഷിക്കാം. അവാര്‍ഡുകള്‍ക്കായുള്ള അപേക്ഷകള്‍ ജൂലൈ 31 വരെ കൃഷിഭവനുകളില്‍ സ്വീകരിക്കുന്നതാണ്. വിശദവിവരങ്ങള്‍ക്കായി തൊട്ടടുത്ത കൃഷിഭവനുമായി ബന്ധപ്പെടുക.