ജില്ലയിൽ കോവിഡ് പ്രതിരോധ പ്രവർത്തനങ്ങൾ ഊർജ്ജിതമാക്കുന്നതിനും ഏകോപിപ്പിക്കുന്നതിനുമായി തദ്ദേശ സ്വയംഭരണ സ്ഥാപനങ്ങളിൽ നോഡൽ ഓഫീസർമാരെ നിയമിച്ചതായി ജില്ലാ ദുരന്തനിവാരണ അതോറിറ്റി ചെയർപേഴ്സണും ജില്ലാ കളക്ടറുമായ മൃണ്മയി ജോഷി അറിയിച്ചു. 13 ബ്ലോക്ക് പഞ്ചായത്തുകളിലും ഏഴ് നഗരസഭകളിലും നോഡൽ ഓഫീസർമാരെ നിയമിച്ചിട്ടുണ്ട്. പാലക്കാട് ജില്ല തമിഴ്നാട് സംസ്ഥാനവുമായും തൃശൂർ, മലപ്പുറം ജില്ലകളുമായും അതിർത്തി പങ്കിടുന്നതിനാൽ കൂടുതൽ ജാഗ്രത കണക്കിലെടുത്താണ് നോഡൽ ഓഫീസർമാരെ നിയമിച്ചിട്ടുള്ളത്. നാളെ (ഓഗസ്റ്റ് 6) മുതൽ നോഡൽ ഓഫീസർമാർ പ്രവർത്തനം തുടങ്ങും.