പെരിങ്ങോട്ടുക്കിറിശ്ശി ഗവ. ജൂനിയർ പബ്ലിക്ക് ഹെൽത്ത് നഴ്‌സിങ് പരിശീലന കേന്ദ്രത്തിൽ 2021-2023 വർഷത്തെ എ.എൻ.എം കോഴ്‌സിന് അപേക്ഷിക്കാം. ആലപ്പുഴ, ഇടുക്കി, എറണാക്കുളം, തൃശൂർ, പാലക്കാട്, മലപ്പുറം ജില്ലകളിലെ സ്ഥിര താമസക്കാരായ പ്ലസ് ടു/ തത്തുല്യ യോഗ്യതയുള്ള പെൺകുട്ടികൾക്കാണ് അപേക്ഷിക്കാനാവുക. മലയാളം എഴുതാനും വായിക്കാനും അറിയണം. 2021 ഡിസംബർ 31 ന് 17 വയസ് തികയണം. 30 വയസ് കവിയരുത്. ഉയർന്ന പ്രായപരിധിയിൽ ഒ.ബി.സി.ക്കാർക്ക് മൂന്നും എസ്.സി, എസ്.ടി വിഭാഗക്കാർക്ക് അഞ്ചും വയസ്സിളവുണ്ട്.

എസ്.സി, എസ്.ടി വിഭാഗക്കാർക്ക് 75 രൂപയും മറ്റുള്ളവർക്ക് 200 രൂപയുമാണ് അപേക്ഷാഫീസ്. അപേക്ഷാ ഫോമും പ്രോസ്‌പെക്ടസും www.dhs.kerala.gov.in ൽ ലഭിക്കും. പൂരിപ്പിച്ച അപേക്ഷകൾ, നിശ്ചിത അപേക്ഷാ ഫീസ് 0210-80-800-88 ശീർഷകത്തിൽ ട്രഷറിയിൽ അടച്ച അസൽ ചലാൻ സഹിതം സെപ്തംബർ 14 ന് വൈകീട്ട് അഞ്ചിനകം പെരിങ്ങോട്ടുക്കിറിശ്ശി ഗവ. ജൂനിയർ പബ്ലിക്ക് ഹെൽത്ത് നഴ്‌സിങ് പരിശീലന കേന്ദ്രത്തിൽ ലഭ്യമാക്കണമെന്ന് പ്രിൻസിപ്പാൾ അറിയിച്ചു. ഫോൺ: 04922-217241.