മേപ്പയ്യൂരില് ഭിന്നശേഷിക്കാര്ക്ക് സഹായ ഉപകരണങ്ങള് വിതരണം ചെയ്തു. ഗ്രാമപഞ്ചായത്ത് 2022-23 വാര്ഷിക പദ്ധതിയില് ഉൾപ്പെടുത്തിയാണ് സഹായ ഉപകരണങ്ങള് വാങ്ങിയത്. ആദ്യ ഘട്ടത്തിൽ രണ്ട് ലക്ഷം രൂപ ചെലവഴിച്ച് വീൽചെയർ ഉൾപ്പെടെയുള്ള ഉപകരണങ്ങളാണ് നൽകിയത്. പഞ്ചായത്തിലെ പതിനൊന്ന് ഭിന്നശേഷിക്കാർക്ക് സഹായ ഉപകരണങ്ങള് കെെമാറി.
ഉപകരണങ്ങളുടെ വിതരണോദ്ഘാടനം ഗ്രാമ പഞ്ചായത്ത് പ്രസിഡന്റ് കെ.ടി.രാജന് നിർവഹിച്ചു. വൈസ് പ്രസിഡന്റ് എന്.പി.ശോഭ അധ്യക്ഷത വഹിച്ചു. സ്ഥിരം സമിതി ചെയര്മാന്മാരായ വി.പി.രമ, വി.സുനില്, ഭാസ്ക്കരന് കൊഴുക്കല്ലൂര്, പഞ്ചായത്ത് മെമ്പര്മാര്, അസി.സെക്രട്ടറി എം.ഗംഗാധരന്, ഐ.സി.ഡി.എസ് സൂപ്പര്വൈസര് പി.ലീന എന്നിവര് സംസാരിച്ചു.