ശബരിമല: തീര്‍ഥാടകര്‍ക്ക് ഓണ്‍ലൈന്‍ സൗകര്യം ഉപയോഗിച്ച് സന്നിധാനത്ത് റൂം ബുക്കു ചെയ്യാം. 15 ദിവസം മുന്നേയുള്ള അഡ്വാന്‍സ് ബുക്കിംഗ് സൗകര്യമാണ് ഓണ്‍ലൈനില്‍ ദേവസ്വം ബോര്‍ഡ് ഒരുക്കിയിട്ടുള്ളത്. ീിഹശിലറേയ.രീാ എന്ന പോര്‍ട്ടല്‍ മുഖേനയാണ് ഓണ്‍ലൈന്‍ ബുക്കിംഗ് നടത്തേണ്ടത്.

 സന്നിധാനത്തെ അക്കോമഡേഷന്‍ കൗണ്ടര്‍ വഴി നേരിട്ടുള്ള ബുക്കിംഗ് എല്ലാ ദിവസവും വൈകിട്ട് നാലിന് തുടങ്ങും. അതാത് ദിവസത്തേക്കുള്ള ബുക്കിംഗാണ് അക്കോമഡേഷന്‍ കൗണ്ടര്‍ വഴി നടക്കുക. ഇവിടെ അഡ്വാന്‍സ് ബുക്കിംഗിന് സൗകര്യമില്ല. 12 മണിക്കൂറേക്കും 16 മണിക്കൂറേക്കും ഇങ്ങനെ ബുക്ക് ചെയ്യാം. ശുചിമുറി ഉള്‍പ്പെടെയുള്ള സൗകര്യങ്ങള്‍ ലഭ്യമാകും. ആകെയുള്ള അഞ്ഞൂറോളം മുറികളില്‍ നൂറെണ്ണമാണ് ഓണ്‍ലൈന്‍ ബുക്കിംഗിന് നീക്കി വച്ചിട്ടുള്ളത്. 400 മുറികളിലേക്ക് നേരിട്ടുള്ള ബുക്കിംഗ് നടക്കും. വിവരങ്ങള്‍ക്ക് ഫോണ്‍-04735 202049.