ഇൻഫർമേഷൻ പബ്ലിക് റിലേഷൻസ് വകുപ്പിന്റെ ഡോക്യുമെന്ററി, ഹ്രസ്വചിത്ര സംവിധായകരുടെ പാനലിലേക്ക് അപേക്ഷ ക്ഷണിച്ചു. എ, ബി, സി, വിഭാഗങ്ങളായാണ് സംവിധായകരുടെ പാനൽ തയാറാക്കുന്നത്. ഇതോടൊപ്പം സമൂഹ മാധ്യമങ്ങളിൽ സർഗാത്മകമായ ഷോർട്സ്, റീൽസ്, ട്രോൾ വീഡിയോകൾ എന്നിവ നിർമിച്ചു അംഗീകാരവും ശ്രദ്ധേയ പ്രതികരണവും നേടിയവരുടെ പട്ടികയും തയാറാക്കുന്നുണ്ട്. നിലവിലെ ഡോക്യുമെന്ററി സംവിധായകരുടെ പാനലിൽ ഉൾപ്പെട്ടവരും പുതിയ പാനലിൽ ഉൾപ്പെടുന്നതിന് അപേക്ഷ നൽകണം. അപേക്ഷാ ഫോമും വിശദവിവരവും പി.ആർ.ഡിയുടെ വെബ്സൈറ്റിൽ (www.prd.kerala.gov.in) ലഭ്യമാണ്. അപേക്ഷിക്കേണ്ട വിലാസം: ഡയറക്ടർ, ഇൻഫർമേഷൻ പബ്ലിക് റിലേഷൻസ് വകുപ്പ്, സൗത്ത് ബ്ലോക്ക്, സെക്രട്ടേറിയറ്റ്, തിരുവനന്തപുരം. സെപ്റ്റംബർ 20നകം അപേക്ഷ ലഭിക്കണം. വിവരങ്ങൾക്ക്: 0471-2518866, 0471-2518908.