കേരള നിയമസഭ 2025 ജനുവരി 7 മുതൽ 13 വരെ സംഘടിപ്പിക്കുന്ന അന്താരാഷ്ട പുസ്തകോത്സവം 3-ാം പതിപ്പിന്റെ പ്രചാരണത്തിന്റെ ഭാഗമായി 2024 ഡിസംബർ 10ന് ഗവൺമെന്റ് സെക്രട്ടേറിയറ്റിലുളള പഴയ നിയമസഭാ മന്ദിരത്തിൽ കോളേജ് വിദ്യാർഥിനികൾക്കായി മാതൃകാ നിയമസഭ സംഘടിപ്പിക്കും.

തിരുവനന്തപുരം ജില്ലയിലെ സർക്കാർ-എയ്ഡഡ് -സ്വാശ്രയ-സ്വകാര്യ കോളേജുകളിലെ ബിരുദ /ബിരുദാനന്തര ബിരുദ വിദ്യാർഥിനികളെ പങ്കെടുപ്പിച്ചുകൊണ്ട് സംഘടിപ്പിക്കുന്ന പ്രസ്തുത പരിപാടിയിൽ ഒരു കോളേജിൽ നിന്നും 5 കുട്ടികൾക്ക് പങ്കെടുക്കാം. വിശദാംശങ്ങൾക്കും രജിസ്ട്രേഷനുമായി  www.klibf.niyamasabha.org എന്ന വെബ്‌സൈറ്റ് സന്ദർശിക്കുക. രജിസ്‌ട്രേഷൻ നടപടികൾ പൂർത്തിയാക്കേണ്ട അവസാന തീയതി നവംബർ 28.