പി.കെ കാളൻ മെമ്മോറിയൽ കോളേജിലെ വിദ്യാർത്ഥികൾക്ക് ന്യൂ ഇന്ത്യ അഷ്വറൻസ് കമ്പനി സൗജന്യ അപകട ഇൻഷുറൻസ് പോളിസി വിതരണം ചെയ്തു. കോളേജ് പ്രിൻസിപ്പൽ ഷീബ ജോസഫ് അധ്യക്ഷത വഹിച്ച പരിപാടി മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി ഉദ്ഘാടനം ചെയ്തു. ന്യൂ ഇന്ത്യ അഷ്വറൻസ് കമ്പനി സീനിയർ ഡിവിഷൻ മാനേജർ കെ.സി ചന്ദ്രൻ കോളേജ് പ്രിൻസിപ്പലിന് പോളിസി കൈമാറി. പി.ടി.എ പ്രസിഡന്റ് ബാബുരാജ്, കോളേജ് യൂണിയൻ ചെയർപേഴ്സൺ ദേവപ്രിയ കോളേജ് യൂണിയൻ ജോയിന്റ് സെക്രട്ടറി റിനു ഫാത്തിമ എന്നിവർ സംസാരിച്ചു.
