കണ്ണൂരിലെ ആന്തൂര്‍ നഗരസഭയില്‍ ഫെബ്രുവരി 18, 19 തിയതികളില്‍ നടത്തുന്ന തദ്ദേശ ദിനാഘോഷം 2026 പ്രചാരണ പ്രവര്‍ത്തനങ്ങള്‍ക്കായി പൊതുജനങ്ങളില്‍ നിന്നും ഔദ്യോഗിക ലോഗോ ക്ഷണിച്ചു. തയ്യാറാക്കിയ ലോഗോ എ4 വലിപ്പത്തിലുള്ള പേപ്പറില്‍ കളര്‍ പ്രിന്റ് ചെയ്ത് സീല്‍ ചെയ്ത കവറില്‍ നല്‍കണം. എന്‍ട്രികള്‍ ജനുവരി 20 ന് വൈകിട്ട് നാലിനകം പ്രിന്‍സിപ്പല്‍ ഡയറക്ടര്‍, സ്വരാജ് ഭവന്‍, പ്രിന്‍സിപ്പല്‍ ഡയറക്ടറേറ്റ്, നന്ദന്‍കോട്, തിരുവനന്തപുരം- 695003 വിലാസത്തില്‍ നേരിട്ടോ, തപാലായോ നല്‍കണം. കവറിന് പുറത്ത് ‘തദ്ദേശ ദിനാഘോഷം 2026 – ലോഗോ’ എന്ന് രേഖപ്പെടുത്തണം. മികച്ച എന്‍ട്രിയ്ക്ക് ആകര്‍ഷകമായ സമ്മാനവും ക്യാഷ് അവാര്‍ഡും നല്‍കുമെന്ന് തദ്ദേശ സ്വയംഭരണ വകുപ്പ് പ്രിന്‍സിപ്പല്‍ ഡയറക്ടര്‍ അറിയിച്ചു. എന്‍ട്രികള്‍ അയക്കേണ്ട വിലാസം.