ആലപ്പുഴ: ജില്ലയിലെ എം. 14 ആലപ്പുഴ മുൻസിപ്പാലിറ്റിയിലെ 15 ജില്ലകോടതി വാർഡ്, എം.11 കായംകുളം മുൻസിപ്പാലിറ്റിയിലെ 12 എരുവ വാർഡ്, ജി.28 കൈനകരി ഗ്രാമപഞ്ചായത്തിലെ 05 ഭജന മഠം വാർഡ്, ജി 50 കരുവാറ്റ ഗ്രാമപഞ്ചായത്തിലെ 12 നാരായണ വിലാസം വാർഡ് എന്നിവിടങ്ങളിലേക്കുള്ള ആകസ്മിക ഒഴിവ് നികത്തുന്നതിനുള്ള ഉപതിരഞ്ഞെടുപ്പ് നടത്തുന്നതിലേക്കായി ഈ വാർഡുകളിലെ വോട്ടർപട്ടിക പുതുക്കുന്നു. ബന്ധപ്പെട്ട ഇലക്ടറൽ രജിസ്‌ട്രേഷൻ ഓഫീസർമാർ കരട് വോട്ടർപട്ടിക ഡിസംബർ 17ന് പ്രസിദ്ധീകരിക്കും. വോട്ടർപട്ടികയിൽ പേര് ചേർക്കുന്നതിനുള്ള അപേക്ഷകളും ആക്ഷേപങ്ങളും സമർപ്പിക്കേണ്ട അവസാന തീയതി ഡിസംബർ 31. അന്തിമ വോട്ടർ പട്ടിക ജനുവരി 14ന് പ്രസിദ്ധീകരിക്കും.