സ്‌കോൾ-കേരള മുഖേന ഹയർസെക്കൻഡറി കോഴ്‌സ്, ഓപ്പൺ റെഗുലർ, പ്രൈവറ്റ് രജിസ്‌ട്രേഷൻ വിഭാഗങ്ങളിൽ 2017-19 ബാച്ചിൽ പഠനം പൂർത്തിയാക്കിയ വിദ്യാർത്ഥികളുടെ ട്രാൻസ്ഫർ സർട്ടിഫിക്കറ്റ് ബന്ധപ്പെട്ട പരീക്ഷ കേന്ദ്രങ്ങളിൽ നിന്നും കൈപ്പറ്റാം. പ്രൈവറ്റ് രജിസ്‌ട്രേഷൻ വിദ്യാർത്ഥികൾ പരീക്ഷാ കേന്ദ്രങ്ങളിൽ നിന്നും, ഓപ്പൺ റെഗുലർ വിദ്യാർത്ഥികൾ ബന്ധപ്പെട്ട ജില്ലാ കേന്ദ്രങ്ങളിൽ നിന്നുമാണ് ടി.സി. കൈപ്പറ്റേണ്ടത്. ഓപ്പൺ റെഗുലർ വിദ്യർത്ഥികൾക്കുള്ള കോൺടാക്ട് സർട്ടിഫിക്കറ്റ് പഠനകേന്ദ്രങ്ങളിൽ ലഭിക്കും. വിദ്യാർത്ഥികൾ സ്‌കോൾ-കേരള അനുവദിച്ചിട്ടുള്ള തിരിച്ചറിയൽ കാർഡുമായി നേരിട്ടെത്തണം.