പട്ടികജാതി വികസന വകുപ്പിൽ നിയോഗിച്ചിട്ടുളള പട്ടികജാതി പ്രൊമോട്ടർമാരുടെ ഓണറേറിയം 10,000 രൂപയായി വർധിപ്പിച്ചു സർക്കാർ ഉത്തരവായി. 2019 ഡിസംബർ ഒന്ന് മുതൽ ഇതിനു പ്രാബല്യമുണ്ടാകും. നേരത്തെ 7000 രൂപയായിരുന്നു ഓണറേറിയം. പട്ടികജാതി വികസന വകുപ്പ് നടപ്പാകുന്ന വിവിധ പദ്ധതികളും സേവനങ്ങളും ഗുണഭോക്താക്കളിലെത്തിക്കുന്നതിന് സർക്കാർ നിയോഗിച്ചിട്ടുളള പ്രവർത്തകരാണ് പ്രൊമോട്ടർമാർ. ഇവരുടെ യോഗ്യത, തെരഞ്ഞെടുപ്പ് രീതി എന്നിവ പരിഷ്‌കരിച്ച് നേരത്തെ ഉത്തരവായിരുന്നു.