ലഹരിവിരുദ്ധ സന്ദേശങ്ങൾ പ്രചരിപ്പിക്കുന്നതിന്റെ ഭാഗമായി സംസ്ഥാന എക്സൈസ് വകുപ്പിന് കീഴിൽ പ്രവർത്തിക്കുന്ന കേരള സംസ്ഥാന ലഹരി വർജന മിഷനായ വിമുക്തി ടിക് ടോക് മത്സരം സംഘടിപ്പിക്കുന്നു. ലഹരി ഉപയോഗം വ്യക്തികളിലും സമൂഹത്തിലും ഉണ്ടാക്കുന്ന പ്രശ്നങ്ങൾ എന്ന വിഷയത്തെ അടിസ്ഥാനമാക്കിയാണ് മത്സരം. മികച്ച വീഡിയോയ്ക്ക് ഐപാഡ് സമ്മാനമായി ലഭിക്കും. ‘നാളത്തെ കേരളം ലഹരിമുക്ത നവകേരളം’ എന്ന സന്ദേശമുയർത്തുന്ന വിമുക്തിയുടെ തീവ്ര ബോധവൽക്കരണ പരിപാടിയുടെ ഭാഗമായാണ് മത്സരം.

ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ച് പുതുതലമുറയെ ബോധവൽക്കരിക്കുകയും ലഹരിയിൽനിന്ന് അവരെ പിന്തിരിപ്പിക്കുകയും ചെയ്യുകയാണ് ലക്ഷ്യം. മത്സരത്തിൽ പങ്കെടുക്കുന്നവർ സ്വന്തം പ്രൊഫൈലിൽ നിന്ന് തങ്ങളുടെ വീഡിയോ പോസ്റ്റ് ചെയ്യണം. ഒരാൾക്ക് ഒന്നിലേറെ വീഡിയോകൾ പോസ്റ്റ് ചെയ്യാം. വീഡിയോ  #vimukthikerala എന്ന ഹാഷ്ടാഗോടെ പോസ്റ്റ് ചെയ്യണം. #vimukthichallenge എന്ന ഹാഷ്ടാഗ് ഉപയോഗിച്ച് സുഹൃത്തുക്കളെ ചലഞ്ച് ചെയ്യാം.

വീഡിയോകൾ 15 നകം ലഭിക്കണം. വീഡിയോകൾക്ക് ലഭിക്കുന്ന ലൈക്ക്, ആശയം, അവതരണം എന്നിവ പരിഗണിച്ചായിരിക്കും വിജയിയെ തിരഞ്ഞെടുക്കുന്നത്. വീഡിയോ ടിക് ടോക്കിൽ പോസ്റ്റ് ചെയ്യുന്നതോടൊപ്പം 9072588222 എന്ന നമ്പറിലേക്ക് വാട്സ്ആപ്പ് ചെയ്യണം.