കലക്ടറുടെ ചേംബറില് നടന്ന ചടങ്ങില് അഡീഷനല് എസ്പി പ്രജീഷ് തോട്ടത്തില്, എഡിഎം ഇ പി മേഴ്സി, അസിസ്റ്റന്റ് കലക്ടര് ഡോ. ഹാരിസ് റഷീദ്, ഡിടിപിസി സെക്രട്ടറി ജിതീഷ് ജോസ് തുടങ്ങിയവര് സംബന്ധിച്ചു.
കൊറോണ: കൊടുങ്ങല്ലൂര് ഭരണി ഉല്സവത്തിന് ജില്ലയില് നിന്ന് ആളുകള് പോവരുത്
കൊടുങ്ങല്ലൂര് ശ്രീകുരുംബ ഭഗവതിക്ഷേത്രത്തില് നടക്കുന്ന ഭരണി ഉല്സവത്തിന് ജില്ലയില് നിന്ന് ആളുകള് പോകുന്നത് ഒഴിവാക്കണമെന്ന് ജില്ലാ കലക്ടര് അറിയിച്ചു. കൊറോണ വൈറസ് പ്രതിരോധന നടപടിയുടെ ഭാഗമായാണ് നിയന്ത്രണം. തൃശൂര് ജില്ലാ ഭരണകൂടത്തിന്റെ നിര്ദ്ദേശപ്രകാരം ഉല്സവം ആള്ക്കൂട്ടമില്ലാതെ ചടങ്ങ് മാത്രമായി നടത്താന് ക്ഷേത്രം ഭാരവാഹികള് തീരുമാനിച്ചിട്ടുണ്ട്. എന്നാല് മറ്റു ജില്ലകളില് നിന്ന് വെളിച്ചപ്പാടിന്റെയും കോമരം/മൂപ്പന്മാര് എന്നിവരുടെയും അകമ്പടിയോടെ ഭക്തജനങ്ങള് കൂട്ടമായി ഉല്സവത്തിനെത്താനുള്ള സാധ്യത കണക്കിലെടുത്താണ് ജില്ലാ കലക്ടര് ടി വി സുഭാഷ് ഇക്കാര്യത്തില് നിയന്ത്രണമേര്പ്പെടുത്തിയത്. ഉല്സവത്തിന് പോകുന്നതിനായി വാഹനങ്ങള് ബുക്ക് ചെയ്തവര്, കാര്യത്തിന്റെ ഗൗരവം മനസ്സിലാക്കി അത് റദ്ദ് ചെയ്ത് യാത്ര ഒഴിവാക്കണമെന്നും ജില്ലാകലക്ടര് പ്രസ്താവനയില് അറിയിച്ചു.
കൊറോണ വൈറസ് വ്യാപിക്കുന്നത് തടയുകയെന്ന ലക്ഷ്യത്തോടെ സംസ്ഥാനത്താകെ നടപ്പിലാക്കുന്ന ബ്രേക്ക് ദി ചെയിന് കാംപയിന് ജില്ലയിലെ സര്ക്കാര് ഓഫീസുകള്ക്കു പുറമെ, സ്വകാര്യസ്ഥാപനങ്ങളും നടപ്പിലാക്കണമെന്ന് ജില്ലാ കലക്ടര് ടി വി സുഭാഷ്. കൊറോണ വൈറസ് പ്രതിരോധ നടപടികള് വിലയിരുത്തുന്നതിനായി കലക്ടറുടെ ചേംബറില് ചേര്ന്ന യോഗത്തിലാണ് ജില്ലാ കലക്ടര് ഈ നിര്ദ്ദേശം നല്കിയത്.