ലോക് ഡൗണ് നിലനില്ക്കുന്ന സാഹചര്യത്തില് ഭക്ഷണ ലഭ്യത ഉറപ്പു വരുത്താന് സാമൂഹിക അടുക്കളകള് വഴി ജില്ലയില് ഇന്നലെ (ഏപ്രില് 27) 6,660 പേര്ക്ക് ഉച്ച ഭക്ഷണം നല്കി. ഇതില് അവശ വിഭാഗങ്ങള് നിത്യ രോഗികള് അഗതികള് എന്നിവരുള്പ്പടെ 5,981 പേര്ക്ക് സൗജന്യമായാണ് തദ്ദേശ സ്വയംഭരണ സ്ഥാപനങ്ങള് വഴി ഭക്ഷണ പൊതികള് വിതരണം ചെയ്തത്. 2,638 പേര്ക്ക് അത്താഴവും 517 പേര്ക്ക് പ്രാതലും ഇന്നലെ വിതരണം ചെയ്തതായി ജില്ലാ കലക്ടര് ജാഫര് മലിക് അറിയിച്ചു.
ഇന്നലെ ഗ്രാമ പഞ്ചായത്തുകളില് 3,557 പേര്ക്കാണ് ഉച്ചഭക്ഷണം നല്കിയത്. ഇതില് 3,287 പേര്ക്ക് സൗജന്യമായി ഭക്ഷണം വിതരണം ചെയ്തു. 327 പേര്ക്ക് പ്രാതലും 2,063 പേര്ക്ക് അത്താഴവും നല്കി. നഗരസഭകളില് വിതരണം ചെയ്ത 3,103 ഉച്ചഭക്ഷണ പൊതികളില് 2,694 പേര്ക്കുള്ള ഉച്ച ഭക്ഷണം സൗജന്യമായിരുന്നു. 190 പേര്ക്ക് പ്രാതലും 575 പേര്ക്ക് അത്താഴവും നഗരസഭാ പരിധികളില് നല്കി.
(എം.പി.എം 1520/2020)
മലപ്പുറം ജില്ലയില് അതിഥി തൊഴിലാളികള്ക്ക് 1,87,433 ഭക്ഷ്യോത്പന്ന കിറ്റുകള് വിതരണം ചെയ്തു
കോവിഡ് 19 ന്റെ ഭാഗമായി ലോക് ഡൗണ് നിലനില്ക്കുന്ന സാഹചര്യത്തില് മലപ്പുറം ജില്ലയില് ഇതുവരെ 1,87,433 അതിഥി തൊഴിലാളികള്ക്ക് ഭക്ഷ്യോത്പന്ന കിറ്റുകള് വിതരണം ചെയ്തായി ജില്ലാ കലക്ടര് ജാഫര് മലിക് അറിയിച്ചു. ഇന്നലെ (ഏപ്രില് 27) 2,489 ഭക്ഷ്യോത്പന്ന കിറ്റുകളാണ് വിതരണം ചെയ്തത്. ഏഴു താലൂക്കുകളിലായി വില്ലേജ് ഓഫീസുകളുടെ നേതൃത്വത്തിലാണ് കിറ്റുകള് വിതരണം ചെയ്യുന്നത്. പെരിന്തല്മണ്ണ സബ് കലക്ടര് കെ.എസ്. അഞ്ജുവിന്റെ നേതൃത്വത്തിലുള്ള കണ്ട്രോള് സെല് വിതരണ പ്രവര്ത്തനങ്ങള് ഏകോപിപ്പിക്കുന്നു.
ആദ്യഘട്ടത്തില് കിറ്റുകള് നല്കിയ തൊഴിലാളികള്ക്കും പുതുതായി കണ്ടെത്തിയ തൊഴിലാളികള്ക്കും കുടുംബങ്ങള്ക്കും തുടര് ഘട്ടങ്ങളില് ഭക്ഷ്യോത്പന്നങ്ങള് ലഭ്യമാക്കുന്നുണ്ട്. താലൂക്ക് തലത്തില് ഇന്നലെ വിതരണം ചെയ്ത കിറ്റുകളുടെ എണ്ണം ചുവടെ പറയുന്നു.
രണ്ടാം ഘട്ടം
• നിലമ്പൂര് – 933
മൂന്നാം ഘട്ടം
• പെരിന്തല്മണ്ണ – 469
• തിരൂര് – 320
നാലാം ഘട്ടം
• കൊണ്ടോട്ടി – 257
• പൊന്നാനി – 510