പത്തനംതിട്ട ജില്ലയില് ചൊവ്വാഴ്ച പുതിയ കോവിഡ്-19 കേസുകള് ഇല്ല. നിലവില് ജില്ലയില് 13 പേര് രോഗികളായിട്ടുണ്ട്. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ മെഡിക്കല് ഓഫീസറുടെ ചേമ്പറില് കൂടി. ജനറല് ആശുപത്രി പത്തനംതിട്ടയില് 12 പേരും, ജില്ലാ ആശുപത്രി കോഴഞ്ചേരിയില് എട്ടു പേരും, ജനറല് ആശുപത്രി അടൂരില് നാലു പേരും ഐസൊലേഷനില് ഉണ്ട്.
സ്വകാര്യ ആശുപത്രികളില് 16 പേര് ഐസൊലേഷനില് ഉണ്ട്. ജില്ലയില് ആകെ 40 പേര് വിവിധ ആശുപത്രികളില് ഐസോലേഷനില് ആണ്. ചൊവ്വാഴ്ച പുതിയതായി 11 പേരെ ഐസൊലേഷനില് പ്രവേശിപ്പിച്ചു. ജില്ലയില് ആറു കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3115 പേരും വിദേശത്തുനിന്നും തിരിച്ചെത്തിയ 425 പേരും നിലവില് നിരീക്ഷണത്തിലാണ്. വിദേശത്തുനിന്നും തിരിച്ചെത്തിയ 10 പേരും, മറ്റ് സംസ്ഥാനങ്ങളില് നിന്നും ചൊവ്വാഴ്ച എത്തിയ 336 പേരും ഇതില് ഉള്പ്പെടുന്നു.
ആകെ 3546 പേര് നിരീക്ഷണത്തിലാണ്. ജില്ലയില് വിദേശത്തുനിന്നും, മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് ഇതുവരെ 95 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് ആകെ 912 പേരെ താമസിപ്പിച്ചിട്ടുണ്ട്. ജില്ലയില് നിന്ന് ഇന്ന് (26) 276 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 7118 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്.
ജില്ലയില് 26ന് മൂന്നു സാമ്പിളുകള് നെഗറ്റീവായി റിപ്പോര്ട്ട് ചെയ്തു. 26 വരെ അയച്ച സാമ്പിളുകളില് 29 എണ്ണം പൊസിറ്റീവായും 6282 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 633 സാമ്പിളുകളുടെ ഫലം ലഭിക്കാനുണ്ട്. ജില്ലയുടെ അതിരുകളില് അഞ്ചു സ്ഥലങ്ങളിലായി 42 ടീമുകള് 26ന് ആകെ 5644 യാത്രികരെ സ്ക്രീന് ചെയ്തു. ഇതരസംസ്ഥാനങ്ങളില് നിന്നും എത്തിയ പത്തനംതിട്ട ജില്ലക്കാരായ മൂന്നു പേരെ കോവിഡ് കെയര് സെന്ററുകളിലേക്ക് റഫര് ചെയ്തു. ആകെ 5110 പേര്ക്ക് ബോധവത്ക്കരണം നല്കി.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 43 കോളുകളും, ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 133 കോളുകളും ലഭിച്ചു. ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് 26ന് നാലു കോളുകള് ലഭിച്ചു. (ഫോണ് നമ്പര്9205284484). ഇവയെല്ലാം കണ്ട്രോള് റൂമുമായി ബന്ധപ്പെട്ടത് ആയിരുന്നു.
ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി 26ന് 291 കോളുകള് നടത്തുകയും, 45 പേര്ക്ക് കൗണ്സലിംഗ് നല്കുകയും ചെയ്തു.
26ന് ഒരു സെഷനിലായി പരിശീലന പരിപാടികള് നടന്നു. അഞ്ചു ഡോക്ടര്മാരും, 10 നഴ്സുമാരും, 13 മറ്റ് ജീവനക്കാരും ഉള്പ്പെടെ ആകെ 28 പേര്ക്ക് കോവിഡ് അവയര്നസ് പരിശീലനം നല്കി. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു.