ജില്ലാ ശിശുസംരക്ഷണ യൂണിറ്റിന്റെ നേതൃത്വത്തിൽ ജില്ലയിലെ നഴ്‌സിങ്ങ് വിദ്യാർത്ഥികൾക്കായി നടപ്പിലാക്കുന്ന പോക്‌സോ ബോധവൽക്കരണ പരിപാടിയുടെ ജില്ലാതല ഉദ്ഘാടനം പനമരം ഗവൺമെന്റ് നഴ്‌സിങ്ങ് സ്‌കൂളിൽ ജില്ലാ ശിശുക്ഷേമ സമിതി സെക്രട്ടറി കെ. സുരേഷ് ഉദ്ഘാടനം ചെയ്തു. ജില്ലാ ശിശുസംരക്ഷണ ഓഫീസർ കെ.കെ പ്രജിത്ത് അധ്യക്ഷത വഹിച്ച ചടങ്ങിൽ നഴ്‌സിങ്ങ് സ്‌കൂൾ ട്യൂട്ടർ ബി. സോണി, വിദ്യാർത്ഥി പ്രതിനിധി ജുമാന, ജില്ലാ ശിശുസംരക്ഷണ യൂണിറ്റിലെ ലീഗൽ ഓഫീസർ മനിത മൈത്രി, സോഷ്യൽ വർക്കർ അഖില രാജഗോപാൽ, പ്രൊട്ടക്ഷൻ ഓഫീസർ വിക്ടർ ജോൺസൻ, ഔട്ട് റീച്ച് വർക്കർ അഖിലേഷ് എന്നിവർ സംസാരിച്ചു. ജില്ലാ ശിശു സംരക്ഷണ യൂണിറ്റ് ജില്ലയിലെ നഴ്‌സിങ്ങ് വിദ്യാർത്ഥികൾക്ക് മൂന്ന് നഴ്‌സിങ്ങ് സ്‌കൂളുകളിലായിട്ടാണ് പോക്‌സോ ബോധവൽക്കരണ പരിപാടി സംഘടിപ്പിക്കുന്നത്.പോക്‌സോ നിയമത്തെക്കുറിച്ച് അഡ്വ.ജോസഫും ജില്ലാ ശിശുസംരക്ഷണ യൂണീറ്റിന്റെ പ്രവർത്തനങ്ങളെക്കുറിച്ചും സേവനങ്ങളെക്കുറിച്ചും സോഷ്യൽ വർക്കർ അഖില രാജഗോപാലും, കുട്ടികളുടെ അവകാശങ്ങളെക്കുറിച്ച് ലീഗൽ കം പ്രൊബേഷൻ ഓഫീസർ മനിത മൈത്രിയും ക്ലാസ്സെടുത്തു.
