ഈ വർഷത്തെ എസ്.എസ്.എൽ.സി പരീക്ഷ മാർച്ച് ഏഴിന് തുടങ്ങി 28 ന് അവസാനിക്കും. പരീക്ഷയുടെ ക്രമീകരണങ്ങൾ സംബന്ധിച്ച് കളക്ട്രേറ്റിൽ യോഗം ചേർന്നു. ഉച്ചയ്ക്ക് ശേഷമാണ് പരീക്ഷ നടക്കുക. ചോദ്യപ്പേപ്പറുകൾ 18 ക്ലസ്റ്ററുകളായി തിരിച്ച് ജില്ലാ ട്രഷറി, സബ്ട്രഷറികൾ, ബാങ്കുകൾ എന്നിവിടങ്ങളിലായി സൂക്ഷിക്കും. ശക്തമായ പോലീസ് ബന്ധവസ്സോടെ ജില്ലാ ട്രഷറിയിൽ സൂക്ഷിക്കുന്ന ചോദ്യപ്പേപ്പറുകൾ വിവിധ പരീക്ഷാകേന്ദ്രങ്ങളിൽ എത്തിക്കുന്നതിനുള്ള നടപടിക്രമങ്ങളും പൂർത്തിയായിട്ടുണ്ട്. യോഗത്തിൽ ഡെപ്യൂട്ടി കളക്ടർ, ജില്ലാ വിദ്യാഭ്യാസ ഉപഡയറക്ടർ, പൊലീസ് ഉദ്യോഗസ്ഥർ എന്നിവർ പങ്കെടുത്തു.