തിരുവനന്തപുരത്ത് വ്യാഴാഴ്ച 756 പേർക്കു കൂടി കോവിഡ് 19 സ്ഥിരീകരിച്ചു. 622 പേർ രോഗമുക്തരായി. നിലവിൽ 8,342 പേരാണു രോഗം സ്ഥിരീകരിച്ചു ചികിത്സയിൽ കഴിയുന്നത്. ജില്ലയിൽ ഒമ്പതു പേരുടെ മരണം കോവിഡ് മൂലമാണെന്നു സ്ഥിരീകരിച്ചു.

കരമന സ്വദേശി പദ്മനാഭ അയ്യർ (81), പുളിമാത്ത് സ്വദേശി ഗോപിനാഥൻ (65), ആനയറ സ്വദേശിനി കെ.ജി. കമലാമ്മ (84), പോത്തൻകോട് സ്വദേശി കൊച്ചുപെണ്ണ് (84), കുളത്തൂർ സ്വദേശി രാജു (68), മരിയപുരം സ്വദേശിനി സുധ (65), അമരവിള സ്വദേശി കൃഷ്ണൻ നായർ (83), പേട്ട സ്വദേശി എൽ. രമേശ് (70), പ്രാവച്ചമ്പലം സ്വദേശി അബൂബക്കർ (75) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.

ഇന്നു രോഗം സ്ഥിരീകരിച്ചവരിൽ 596 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ 14 പേർ ആരോഗ്യ പ്രവർത്തകരാണ്.

രോഗലക്ഷണങ്ങളെത്തുടർന്നു ജില്ലയിൽ 1,797 പേരെക്കൂടി നിരീക്ഷണത്തിലാക്കി. ഇവരടക്കം ആകെ 25,223 പേർ വീടുകളിലും 207 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,145 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.