കേന്ദ്ര ജല്‍ശക്തി മന്ത്രാലയത്തിലെ ജലവിഭവ-നദീ വികസന വകുപ്പിന്റെ മൂന്നാമത് ദേശീയ ജല പുരസ്‌ക്കാരത്തിന് അപേക്ഷ ക്ഷണിച്ചു. ജല സംരക്ഷണ-ജല മാനേജ്മെന്റ് മേഖലകളിലെ പ്രവര്‍ത്തന മികവിന്റെ അടിസ്ഥാനത്തില്‍ മികച്ച സംസ്ഥാനം, ജില്ല, ഗ്രാമപഞ്ചായത്ത്, നഗരസഭ, മീഡിയ, സ്‌കൂള്‍, സന്നദ്ധ സംഘടന, വ്യവസായ സ്ഥാപനം എന്നിങ്ങനെ പത്ത് വിഭാഗങ്ങളിലാണ് പുരസ്‌ക്കാരങ്ങള്‍ നല്‍കുക.
രാജ്യത്തെ അഞ്ച് സോണുകളാക്കി ഒരോ സോണിലും വെവ്വേറെ പുരസ്‌ക്കാരങ്ങള്‍ നല്‍കും.
നിശ്ചിത മാതൃകയിലുള്ള അപേക്ഷാ ഫോറത്തില്‍ ഫെബ്രുവരി 10നകം അപേക്ഷിക്കണം. വിശദ വിവരണങ്ങള്‍ക്കും അപേക്ഷാ ഫോറത്തിനും www.mowr.gov.in, www.cgwb.gov.in എന്നീ വെബ്സൈറ്റുകള്‍ സന്ദര്‍ശിക്കുക. നെഹ്റു യുവ കേന്ദ്ര ജില്ലാ ഓഫീസുകളില്‍ വിവരങ്ങള്‍ ലഭിക്കും.