മലപ്പുറം ജില്ലയില് ബുധനാഴ്ച (2021 ഒക്ടോബര് 20) 656 പേര്ക്ക് കോവിഡ് 19 വൈറസ്ബാധ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. രോഗബാധ സ്ഥിരീകരിച്ചവരില് കൂടുതല് പേരും നേരത്തെ രോഗബാധയുണ്ടായവരുമായി നേരിട്ടു സമ്പര്ക്കമുണ്ടായവരാണ്. 635 പേര്ക്കാണ് ഇത്തരത്തില് രോഗബാധ സ്ഥിരീകരിച്ചത്.
7.85 ശതമാനമാണ് ജില്ലയിലെ കോവിഡ് ടെസ്റ്റ് പോസിറ്റീവിറ്റി നിരക്ക്. 631 പേര് ബുധനാഴ്ച മാത്രം കോവിഡ് മുക്തരായി. ഇതോടെ ജില്ലയില് കോവിഡ് വിമുക്തരായവരുടെ ആകെ എണ്ണം 5,55,052 പേരായതായും ജില്ലാ മെഡിക്കല് ഓഫീസര് പറഞ്ഞു.
ജില്ലയില് നിലവില് നിരീക്ഷണത്തില് കഴിയുന്നത് 24,724 പേരാണ്. രോഗബാധ സ്ഥിരീകരിച്ചവരില് ഏഴ് പേര്ക്ക് വൈറസ് ബാധയുണ്ടായതിന്റെ ഉറവിടം കണ്ടെത്താനായിട്ടില്ല. രണ്ട് ആരോഗ്യ പ്രവര്ത്തകര്ക്കും വിദേശത്തു നിന്നെത്തിയ ഒരാള്ക്കും ഇതര സംസ്ഥാനങ്ങളില് നിന്ന് ജില്ലയില് തിരിച്ചെത്തിയ 11 പേര്ക്കും രോഗബാധ സ്ഥിരീകരിച്ചിട്ടുണ്ട്. 5,611 പേര് വിവിധ കേന്ദ്രങ്ങളിലായി ചികിത്സയില് കഴിയുകയുന്നു. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 582 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 16 പേരും 41 പേര് കോവിഡ് സെക്കന്റ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റു കേന്ദ്രങ്ങളിലുമാണ് കഴിയുന്നത്.