കൊച്ചി: മുവാററുപുഴയിലെ കാടമ്പാറ കുഴിക്കാട്ടുശ്ശേരി പട്ടികജാതി കോളനി നവീകരണത്തിന് തുടക്കമായി. നവീകരണ പ്രവര്‍ത്തനങ്ങളുടെ ഉദ്ഘാടനം എല്‍ദോ എബ്രഹാം എം.എല്‍.എ നിര്‍വ്വഹിച്ചു. കൂടുതല്‍ പട്ടികജാതി കോളനികളില്‍ പദ്ധതി ആരംഭിക്കാനുള്ള നടപടിക്രമങ്ങള്‍ പൂര്‍ത്തിയാക്കി വരികയാണെന്ന് എം.എല്‍.എ പറഞ്ഞു. ഓരോ പ്രവര്‍ത്തികളുടേയും എസ്റ്റിമേററ് തയാറാക്കി ഭരണാനുമതി വാങ്ങിയാണ് നിര്‍മ്മാണ പ്രവര്‍ത്തനങ്ങള്‍ നടക്കുന്നത്. 40 പട്ടികജാതി കുടുംബങ്ങളുള്ള കോളനികളെയാണ് പദ്ധതിക്കായി തിരഞ്ഞെടുക്കുന്നത്.
മാറാടി ഗ്രാമ പഞ്ചായത്തിലെ രണ്‍ണ്ടാം വാര്‍ഡിലും പതിമൂന്നാം വാര്‍ഡിലും ഉള്‍പ്പെട്ടതാണ് കോളനികള്‍. അംബേദ്കര്‍ ഗ്രാമ വികസന പദ്ധതിയില്‍ ഉള്‍പ്പെടുത്തി ഒരു കോടി രൂപയാണ് നവീകരണത്തിന് അനുവദിച്ചിരിക്കുന്നത്. പശ്ചാത്തല സൗകര്യങ്ങള്‍ ഒരുക്കുന്നതിനായി ആരംഭിച്ച പദ്ധതിയില്‍ കുടിവെള്ള പദ്ധതിക്കാണ് മുന്‍ഗണന നല്‍കുന്നത്.
കോളനികളിലെ കുടിവെള്ള പദ്ധതിയുടെ പമ്പ് ഹൗസും കിണറും നവീകരിക്കും. 50,000 ലിറ്റര്‍ സംഭരണശേഷിയുള്ള കോണ്‍ക്രീറ്റ് ജലസംഭരണികള്‍ നിര്‍മിച്ച് രണ്‍് വാര്‍ഡുകളിലെയും നാല്‍പതോളം കുടുംബങ്ങള്‍ക്ക് കുടിവെള്ളം ലഭ്യമാക്കും. ഇതിനായി വാട്ടര്‍ മീറ്ററുകള്‍ സ്ഥാപിച്ച് കുടിവെള്ള കണക്ഷന്‍ നല്‍കും. 25ഓളം വീടുകളുടെ അറ്റകുറ്റപ്പണികളും ഇതിനോടനുബന്ധിച്ച് നടക്കും. വീടുകളുടെ മേല്‍ക്കൂരയുടെ അറ്റകുറ്റപ്പണികള്‍, കോണ്‍ക്രീറ്റ് ചെയ്ത് ടൈല്‍ വിരിക്കല്‍ തുടങ്ങിയ നിര്‍മ്മാണ പ്രവര്‍ത്തനങ്ങളാണ് നടക്കുക. സര്‍ക്കാര്‍ നിയന്ത്രണത്തിലുള്ള കെല്ലിനാണ് നിര്‍മ്മാണ ചുമതല.
പഞ്ചായത്ത് പ്രസിഡന്റ് ലത ശിവന്‍ അദ്ധ്യക്ഷത വഹിച്ചു. ജില്ലാ പഞ്ചായത്ത് അംഗം എന്‍.അരുണ്‍ മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് അംഗം ഒ.സി.ഏലിയാസ്, വാര്‍ഡ് അംഗങ്ങളായ ഷാന്റി എബ്രഹാം, ബിന്ദുബേബി, സാബു തട്ടാരു കുന്നേല്‍, മുരളി ശശി, ജില്ലാ പട്ടികജാതി വികസന ഓഫീസര്‍ ജോസഫ് ജോണ്‍, എം.പി.ലാല്‍, പോള്‍ പൂമറ്റം എന്നിവര്‍ സംസാരിച്ചു.