സംസ്ഥാനത്ത് കനത്ത മഴയും വെള്ളപ്പൊക്കവും തുടരുന്ന സാഹചര്യത്തില്‍ കേരള സംസ്ഥാന ഭാഗ്യക്കുറിയുടെ നാല് നറുക്കെടുപ്പുകള്‍ മാറ്റി വച്ചു. മൂന്ന് ഭാഗ്യക്കുറികള്‍ റദ്ദാക്കി. ഈ മാസം 16, 17, 18, 19 തിയതികളിലെ നറുക്കെടുപ്പുകളാണ് മാറ്റി വച്ചത്.

16ന് നിശ്ചയിച്ചിരുന്ന കെ.എന്‍ -226 നമ്പര്‍ കാരുണ്യ പ്ലസ് ഭാഗ്യക്കുറി നറുക്കെടുപ്പ് ആഗസ്റ്റ് 23 ലേക്ക് മാറ്റി. 17ന് നടക്കേണ്ട എന്‍.ആര്‍ -82 നമ്പര്‍ നിര്‍മല്‍ ഭാഗ്യക്കുറി നറുക്കെടുപ്പ് 24ന് നടത്തും. 18ന് നടക്കേണ്ട കെ.ആര്‍ -359 നമ്പര്‍ കാരുണ്യ ഭാഗ്യക്കുറി, 19ന് നടക്കേണ്ട ആര്‍.എന്‍ -353 നമ്പര്‍ പൗര്‍ണമി ഭാഗ്യക്കുറി എന്നിവയുടെ നറുക്കെടുപ്പ് ആഗസ്റ്റ് 26 ലേക്ക് മാറ്റി.

23ന് നറുക്കെടുപ്പ് നിശ്ചയിച്ചിരുന്ന കെ.എന്‍ -227 നമ്പര്‍ കാരുണ്യപ്ലസ് ഭഗ്യക്കുറി, 24ന് നറുക്കെടുക്കേണ്ട എന്‍.ആര്‍ -83 നമ്പര്‍ നിര്‍മല്‍ ഭാഗ്യക്കുറി, 26ന് നറുക്കെടുക്കേണ്ട ആന്‍.എന്‍ -354 നമ്പര്‍ പൗര്‍ണമി ഭാഗ്യക്കുറി എന്നിവ റദ്ദാക്കി.