നെയ്യാറ്റിൻകര മരിയാപുരം ഗവൺമെന്റ് ഐ.ടി.ഐയിൽ മെക്കാനിക് മോട്ടോർ വെഹിക്കിൾ, സർവേയർ (രണ്ട് വർഷം), വുഡ് വർക്ക് ടെക്‌നീഷ്യൻ (ഒരു വർഷം) ട്രേഡുകളിൽ പ്രവേശനത്തിന് ഓൺലൈനായി അപേക്ഷിക്കാം. www.scdditiadmission.kerala.gov.in എന്ന ലിങ്ക് വഴിയും ഐ.ടി.ഐയിൽ പ്രവർത്തിക്കുന്ന ഹെൽപ്പ് ഡെസ്‌ക് മുഖേനയും അപേക്ഷ സമർപ്പിക്കാവുന്നതാണ്.

പട്ടികജാതി വിഭാഗത്തിന് 62 സീറ്റും പട്ടികവർഗ വിഭാഗം , മറ്റ് വിഭാഗങ്ങൾക്കുമായി ആറ് വീതം സീറ്റുകളും സംവരണം ചെയ്തിട്ടുണ്ട്. തെരഞ്ഞെടുക്കപ്പെടുന്നവർക്ക് സൗജന്യ പരിശീലനത്തിന് പുറമെ നിരവധി ആനുകൂല്യങ്ങളും ലഭിക്കുമെന്ന് പ്രിൻസിപ്പാൾ അറിയിച്ചു. ആൺകുട്ടികൾക്ക് ഹോസ്റ്റൽ സൗകര്യമുണ്ട്. അവസാന തിയതി ജൂലൈ 27. കൂടുതൽ വിവരങ്ങൾക്ക് ഫോൺ: 9400409978, 9446186400.