67-ാമത് സംസ്ഥാന സ്കൂള് ഗെയിംസ് അണ്ടര് 19 പുരുഷ വോളിബോള് ടൂര്ണമെന്റിൽ തൃശ്ശൂർ ജില്ല ജേതാക്കളായി. ഒന്നിനെതിരെ മൂന്നു സെറ്റുകൾ നേടിക്കൊണ്ടാണ് തിരുവനന്തപുരം ജില്ലയെ തൃശ്ശൂർ തോൽപ്പിച്ചത്. കോട്ടയം ജില്ല മൂന്നാം സ്ഥാനം നേടി. അണ്ടര് 19 വനിതാ ടീമുകളുടെ മത്സരങ്ങള് വെള്ളിയാഴ്ച രാവിലെ ഏഴ് മണി മുതല് നടക്കും. ടൂര്ണമെന്റ് 27 ന് അവസാനിക്കും.
ചമ്പാട് ഇന്ഡോര് സ്റ്റേഡിയത്തില് നടന്ന ടൂര്ണമെന്റ് നിയമസഭാ സ്പീക്കര് അഡ്വ. എ.എന് ഷംസീര് ഉദ്ഘാടനം ചെയ്തു. വിജയത്തിലേക്കുള്ള ഊര്ജമാണ് തോല്വികളെന്നും കായിക രംഗത്ത് പ്രതിഭാശാലികളെ വാര്ത്തെടുക്കുന്നതില് ഇത്തരം മത്സരങ്ങള് വലിയ പങ്കാണ് വഹിക്കുന്നതെന്നും സ്പീക്കര് പറഞ്ഞു.
പന്ന്യന്നൂര് ഗ്രാമപഞ്ചായത്ത് പ്രസിഡന്റ് കെ.കെ മണിലാല് അധ്യക്ഷനായി. പാനൂര് ബ്ലോക്ക് പഞ്ചായത്ത് പ്രസിഡന്റ് എ ശൈലജ, ജില്ലാ പഞ്ചായത്തംഗം ഇ വിജയന് മാസറ്റർ, വിദ്യാഭ്യാസ ഉപ ഡയറക്ടര് ഡി ഷൈനി, ടൂര്ണമെന്റ് ജില്ലാ കോ ഓര്ഡിനേറ്റര് കെ ഷാജി, അന്താരാഷ്ട്ര റഫറി ടി.വി അരുണാജലം, ദ്രോണാചാര്യ ജേതാവ് ഡി ചന്ദ്രലാൽ എന്നിവര് പങ്കെടുത്തു.