തലക്കുളത്തൂർ ഗ്രാമപഞ്ചായത്തിലെ പെരൂളിതാഴം റോഡിന്റെ ഉദ്ഘാടനം വനം-വന്യജീവി സംരക്ഷണ വകുപ്പ് മന്ത്രി എ.കെ. ശശീന്ദ്രൻ നിർവഹിച്ചു. വികസനത്തിന്റെ ഫലം എല്ലാവർക്കും ലഭ്യമാക്കാൻ സർക്കാരിന് സാധിച്ചതായി മന്ത്രി പറഞ്ഞു. പൊതുജനങ്ങളുടെ യാത്രാ സൗകര്യം വർധിപ്പിക്കുന്നതിനും അടിസ്ഥാന സൗകര്യ വികസനത്തിനുമായി നിരവധി പ്രവർത്തനങ്ങളാണ് പഞ്ചായത്തിൽ നടന്നിട്ടുള്ളതെന്നും മന്ത്രി പറഞ്ഞു.
എംഎൽഎയുടെ ആസ്തി വികസന ഫണ്ടിൽനിന്ന് അഞ്ച് ലക്ഷം രൂപ വിനിയോഗിച്ചാണ് തലക്കുളത്തൂർ ഗ്രാമപഞ്ചായത്ത് രണ്ടാം വാർഡിലെ പെരൂളിതാഴം റോഡിൻ്റെ കോൺക്രീറ്റ് പ്രവൃത്തി പൂർത്തീകരിച്ചത്. ചടങ്ങിൽ ഗ്രാമപഞ്ചായത്ത് പ്രസിഡന്റ് കെ ടി പ്രമീള അധ്യക്ഷയായി.